حالىقارالىق وليمپيادا كوميتەتىنىڭ (حوك) اتقارۋشى كەڭەسى لوس-اندجەلەس-2028 باعدارلاماسى بويىنشا ۇيىمداستىرۋ كوميتەتى ۇسىنعان قوسىمشا بەس سپورت ءتۇرىن ماقۇلدادى. بۇل تۋرالى almaty-akshamy.kz Inside The Games سايتىنا سىلتەمە جاساپ حابارلايدى.
سكۆوش، لاكروسس، بەيسبول جانە سوفتبول امەريكا قۇراما شتاتتارىندا تانىمال بولعاندىقتان باعدارلاماعا قايتارىلدى. سونىمەن بىرگە ولار وڭتۇستىك جارتى شاردا تانىمال كريكەت پەن ەكزوتيكالىق جالاۋلى فۋتبولدى (امەريكالىق فۋتبولدىڭ نۇسقالارىنىڭ ءبىرى) قوستى. زاماناۋي بەسسايىس كەدەرگىلەردەن ءوتۋ جانە اۋىر اتلەتيكا دا باعدارلاماعا قايتا ورالدى.
ءبىراق بوكستىڭ مارتەبەسى ءالى بەلگىسىز. حالىقارالىق بوكس قاۋىمداستىعى (IBA) وليمپيادالىق قوزعالىستان شىعارىلدى جانە باسەكەلەس ۇيىم بولىپ تابىلاتىن دۇنيەجۇزىلىك بوكس ازىرگە كۇتكەن قولداۋدى الا المادى.
حالىقارالىق وليمپيادا كوميتەتىنىڭ سپورت ديرەكتورى كيت ماككوننەلل، بەس جاڭا سپورت ءتۇرىن قوسۋ جانە زاماناۋي بەسسايىس پەن اۋىر اتلەتيكانى قالپىنا كەلتىرۋ ويىنداردىڭ 10 500 سپورتشى شەگىنەن اسۋىن تالاپ ەتەتىنىن مويىندادى.
باح بۇل باعدارلاما 1996 جىلى اتلانتادان بەرى العاش رەت امەريكا قۇراما شتاتتارىنا جازعى وليمپيادا ويىندارىن قايتارۋعا وتە قولايلى بولاتىنىن ايتتى.
"وسى بەس جاڭا سپورت ءتۇرى امەريكالىق سپورت مادەنيەتىنە سايكەس كەلەدى جانە الەمگە ايگىلى امەريكالىق سپورت تۇرلەرىن كورسەتەدى. سونىمەن بىرگە حالىقارالىق سپورت تۇرلەرىن امەريكا قۇراما شتاتتارىنا اكەلەدى"، - دەدى ول.