2026 جىلعى 1 قاڭتاردان باستاپ قازاقستاندا 2025 جىلدىڭ 18 شىلدەسىندە قول قويىلعان جاڭا سالىق كودەكسى كۇشىنە ەنەدى. بۇل سالىق رەفورماسىنىڭ ماڭىزدى كەزەڭى بولىپ تابىلادى، ونىڭ ماقساتى – سالىق جۇيەسىن ازاماتتار مەن بيزنەس ءۇشىن اشىق، ءادىل جانە ىڭعايلى ەتۋ. سالىق رەجيمدەرىن وڭايلاتۋ، ەسەپتىلىكتى قىسقارتۋ، باسىم سالالار ءۇشىن سالىق ستاۆكالارىن تومەندەتۋ، اكىمشىلەندىرۋدە جەڭىلدىكتەر جانە مۇلىك پەن اكسيز سالىقتارىنا قاتىستى جاڭا ەرەجەلەر تۋرالى الماتى قالاسى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا الماتى قالاسى بويىنشا مەملەكەتتىك كىرىستەر دەپارتامەنتىنىڭ باسقارما باسشىلارى ايتىپ ءوتتى.
2026 جىلدان باستاپ قازاقستاندا جاڭا سالىق كودەكسى كۇشىنە ەنەدى، ول ەلدەگى سالىق سالۋعا دەگەن كوزقاراستى تۇبەگەيلى وزگەرتەدى. رەفورما اياسىندا سالىق رەجيمدەرى وڭايلاتىلادى: جەتى ارنايى رەجيمنىڭ ورنىنا تەك ۇشەۋى قالادى – ءوزىن-وزى جۇمىسپەن قامتىعاندار ءۇشىن (جك تىركەۋسىز، ايلىق تابىسى 300 اەك-كە دەيىن)، شاعىن بيزنەس ءۇشىن (جەڭىلدەتىلگەن دەكلاراسيا نەگىزىندە، جىلدىق اينالىم ءليميتى 600 000 اەك جانە ستاۆكاسى 4%) جانە شارۋا قوجالىقتارى ءۇشىن. ءوزىن-وزى جۇمىسپەن قامتىعاندار تابىسىنىڭ 4%-ى مولشەرىندە ءبىرىڭعاي سالىق تولەيدى، وعان بارلىق مىندەتتى تولەمدەر كىرەدى، ەسەپ تاپسىرۋدىڭ قاجەتى جوق – بارلىعى موبيلدىك قوسىمشا ارقىلى جۇزەگە اسادى.
سالىق ەسەپتىلىگىنىڭ كولەمى دە ايتارلىقتاي ازايادى: 39 نىساننىڭ 12ء-سى جويىلادى، كەيبىرى بىرىكتىرىلەدى. جۇيە سالىقتىڭ سوماسى مەن تولەۋ مەرزىمىن اۆتوماتتى تۇردە كورسەتىپ وتىرادى. ەگەر ەسەپ ۋاقىتىلى تاپسىرىلماسا، ول ايىپپۇل سالۋسىز نولدىك بولىپ ەسەپتەلەدى جانە كەيىن تۇزەتۋ ەنگىزۋگە مۇمكىندىك بەرىلەدى.
نەگىزگى سالىقتار بويىنشا دا وزگەرىستەر بار. كورپوراتيۆتىك تابىس سالىعىنىڭ بازالىق مولشەرلەمەسى 20% دەڭگەيىندە قالادى، ءبىراق جەڭىلدىكتەر ەنگىزىلەدى: اۋىل شارۋاشىلىعى وندىرۋشىلەرى ءۇشىن – 3%، الەۋمەتتىك سالا ءۇشىن – 2026 جىلى 5%، 2027 جىلدان باستاپ 10%. بانكتەر مەن ويىن بيزنەسى 25% تولەيدى. جەكە تابىس سالىعى پروگرەسسيۆتى بولادى – تابىس دەڭگەيىنە قاراي 10% جانە 15%، ال بازالىق شەگەرىم 30 اەك-كە دەيىن ۇلعايادى. مۇگەدەكتەر مەن ۇلى وتان سوعىسى قاتىسۋشىلارىنا الەۋمەتتىك جەڭىلدىكتەر 5 000 اەك-كە دەيىن بەلگىلەندى. قوسىلعان قۇن سالىعى مولشەرلەمەسى 16%-عا دەيىن وسەدى، ءبىراق دارى-دارمەكتەر مەن مەديسينالىق قىزمەتتەر ءۇشىن تومەندەتىلگەن 5% مولشەرلەمە ساقتالادى. ققس بويىنشا مىندەتتى تىركەۋ شەگى – 10 000 اەك، بۇل 2026 جىلى بۇل 43،2 ملن تەڭگەگە تەڭ.
اكىمشىلەندىرۋ دە تۇبەگەيلى وزگەرەدى: جوسپارلى تەكسەرىستەر الىنىپ تاستالادى، ال تاۋەكەلدەردى باسقارۋ جۇيەسى الدىن الۋ رەجيمىنە كوشەدى – سالىق ورگاندارى بۇزۋشىلىقتار تۋرالى ەمەس، سايكەسسىزدىكتەر تۋرالى حابارلاما جىبەرەدى، ولاردى ءوز ەركىمەن تۇزەتۋگە مۇمكىندىك بەرىلەدى.
اكسيزدەرگە قاتىستى دا وزگەرىستەر بار: الكوگول مەن تەمەكىگە اكسيز مولشەرلەمەسى جىل سايىن 10%-عا وسەدى، ەنەرگەتيكالىق سۋسىندارعا جاڭا اكسيز ەنگىزىلەدى (1 ليترگە 100 تەڭگە). ەسكى اۆتوكولىكتەرگە سالىق تومەندەتىلەدى: پايدالانۋ مەرزىمى 20 جىلدان اسسا – 50%-عا، 10 جىلدان اسسا – 30%-عا. مۇلىك سالىعى بويىنشا اعىمداعى تولەمدەر سوماسى 300 اەك-تەن اسپاسا، ەسەپ تاپسىرۋدىڭ قاجەتى جوق، دەكلاراسيا تەك جىل قورىتىندىسى بويىنشا ۇسىنىلادى.
جاڭا سالىق كودەكسى اشىقتىق قاعيداتىن بەكىتەدى: ءاربىر سالىق تولەۋشى نە ءۇشىن سالىق تولەيتىنىن ناقتى ءبىلۋى ءتيىس، ال مەملەكەت ءادىل ءارى اشىق ەرەجەلەردى قامتاماسىز ەتۋگە مىندەتتى. داۋلى جاعداي تۋىنداعان كەزدە ازامات سالىق ورگاندارىنىڭ ارەكەتىنە تۇسىنىكتەمە الۋعا نەمەسە شاعىم بەرۋگە قۇقىلى. تۋىنداۋى مۇمكىن كەلىسپەۋشىلىكتەرگە قاراماستان، زاڭعا قول قويىلىپ، ول كۇشىنە ەنەدى، ال مەملەكەتتىڭ مىندەتى – ونى بيزنەس پەن ازاماتتار ءۇشىن ءتيىمدى ءارى اۋىرتپالىقسىز تۇردە ىسكە اسىرۋ.