الماتىداعى وكق-دە وتكەن كوشپەلى بريفينگتە قالا اكىمى ەربولات دوسايەۆ اتموسفەرالىق اۋانىڭ جاي-كۇيىن جاقسارتۋعا باعىتتالعان اتقارىلىپ جاتقان جۇمىستار تۋرالى ايتىپ بەردى، دەپ حابارلايدى aqshamnews.kz
«بۇل ماسەلە اكىمدىكتىڭ كۇن تارتىبىندەگى ماڭىزدى ماسەلەلەردىڭ ءبىرى بولىپ قالا بەرەدى. بۇگىنگى تاڭدا لاستاۋشى زاتتار شىعارىندىلارىنىڭ 60% - ى اۆتوكولىكتەرگە تيەسىلى. ءبىزدىڭ جۇمىسىمىز قالا تۇرعىندارىن قوعامدىق كولىككە كوشۋگە ىنتالاندىرۋعا، ونىڭ تيىمدىلىگىن قامتاماسىز ەتۋگە باعىتتالعان. وسى شارالاردىڭ ناتيجەسىندە 2024 جىلى قوعامدىق كولىكتەردەگى ساپارلار رەكوردتىق دەڭگەيگە جەتتى - ءوسىم 33% - دى قۇرادى، ءبىر كۇندە 1،6 ملن ساپارعا دەيىن جاسالدى. 2024 جىلى ەكولوگيالاندىرۋ ماقساتىندا 770 گاز اۆتوبۋسى ساتىپ الىندى، ونىڭ ىشىندە 170 – جەكە اۆتوپاركتەر جانە 115 ەلەكتروبۋس، ونىڭ ىشىندە 15 – جەكە مەنشىك اۆتوبۋستار. وسىنىڭ ارقاسىندا اۆتوبۋستاردىڭ ورتاشا قىزمەت ەتۋ مەرزىمى 6 جىلدان 2،5 جىلعا دەيىن قىسقاردى. 112 تروللەيبۋس ساتىپ الۋ تروللەيبۋس پاركىن 100% جاڭارتۋعا مۇمكىندىك بەردى»، - دەدى مەگاپوليس باسشىسى.
ول 2024 جىلى قوعامدىق كولىكتەردەگى جولاۋشىلار اعىنى 33% - عا ارتىپ، كۇنىنە 1،6 ملن ترانزاكسياعا جەتكەنىن اتاپ ءوتتى. سونداي-اق، كەلەسى جىلى 800 گازبەن جۇرەتىن اۆتوبۋس ساتىپ الىنادى، ونىڭ 200ء-ى جەكە مەنشىك جانە 260-ى ەلەكتر اۆتوبۋسى، ونىڭ 60-ى جەكە تاسىمالداۋشىلار، بۇل ورتاشا پايدالانۋ مەرزىمىن 2 جىلعا دەيىن تومەندەتۋگە مۇمكىندىك بەرەدى.
«الماتى الماتى اگلومەراسياسىنىڭ ورتالىعى رەتىندە تىعىز كولىك بايلانىسىن قامتاماسىز ەتۋگە اسا مۇددەلى. اعىمداعى جىلى ءبىز 20 جاڭا قالا ماڭىنداعى مارشرۋتتاردى ۇيىمداستىردىق. 2025 جىلى قوعامدىق كولىك ءۇشىن جاڭا تاريفتىك ءمازىر مەن «Bus/km» قاعيداتىنا كوشۋمەن سۋبسيديالاۋدىڭ جاڭا قاعيدالارىن ەنگىزۋ جوسپارلانۋدا»، - دەدى ەربولات دوسايەۆ.