الماتىداعى كوپجىلدىق ماسەلەنىڭ شەشىمى: 220 مىڭ تۇرعىن تۇراقتى سۋمەن قامتاماسىز ەتىلەدى
الماتىدا تۇرعىنداردى ساپالى اۋىز سۋمەن قامتاماسىز ەتۋ ماسەلەلەرى كەزەڭ-كەزەڭىمەن شەشىلۋدە. بۇل تۋرالى الماتى قالاسىنىڭ اكىمى ەربولات دوسايەۆ سك-دە وتكەن كوشپەلى بريفينگتە مالىمدەدى، دەپ حابارلايدى aqshamnews.kz
اكىمنىڭ ايتۋىنشا، 2024 جىلدىڭ مامىر ايىندا جاڭا «بالقاش» تازا سۋ رەزەرۆۋارى ىسكە قوسىلدى، شىلدە ايىندا سۋ قۇبىرىنىڭ رەزەرۆتىك سحەماسى سالىندى، «قارعالى» سۋ قويماسىنىڭ قۇرىلىسى اياقتالدى. 2025 جىلى «اقساي» سۋ قويماسى پايدالانۋعا بەرىلەدى.
«سونىڭ ناتيجەسىندە بوستاندىق، مەدەۋ جانە ناۋرىزباي اۋداندارىنىڭ 220 مىڭ تۇرعىنى تۇراقتى جانە ساپالى سۋمەن قامتاماسىز ەتىلەدى»، – دەدى ەربولات دوسايەۆ.
الماتىدا ساپالى سۋمەن قامتاماسىز ەتۋ ماقساتىندا 220 كم جاڭا جەلى سالىنىپ، 30 كم قولدانىستاعى جەلى جاڭعىرتىلدى. 2025 جىلى سۋ قۇبىرى جانە سۋ تارتۋ جەلىلەرىنىڭ 347 كم سالىنىپ، جاڭعىرتىلادى.