الماتىنىڭ سانيتارلىق جاعدايىن جانە ەستەتيكاسىن جاقسارتۋ ماقساتىندا 2025 جىلى 581 جاڭا كونتەينەرلىك الاڭ سالۋ جانە 1 683 تەرەڭدەتىلە كومىلگەن كونتەينەر ورناتۋ جوسپارلانىپ وتىر.
2025–2027 جىلدارعا ارنالعان ءتيىستى بيۋدجەت جوباسى الداعى ءماسليحات سەسسياسىندا قارالادى، دەپ حابارلايدى aqshamnews.kz قالالىق ءماسليحاتتىڭ باسپا ءسوز قىزمەتىنە سىلتەمە جاساپ.
زاماناۋي كونتەينەرلەر كەڭىستىكتى ءتيىمدى پايدالانىپ، الاڭداردى ىقشامداا، جاعىمسىز ءيىستىڭ الدىن الىپ، قۇستار مەن بۇرالقى جانۋارلاردان قورعايدى. ءقازىر قالادا 786 تەرەڭدەتىلە كومىلگەن كونتەينەر ورناتىلعان، بۇل تۇرعىندار ءۇشىن تازالىق پەن جايلىلىقتى قامتاماسىز ەتۋگە جاسالعان ماڭىزدى قادام.
سونىمەن قاتار، 2024 جىلى الماتىدا 1 م³ كولەمىندەگى 1800 پلاستيك ەۆروكونتەينەر ساتىپ الىندى. بۇل كونتەينەرلەر تۇرمىستىق قالدىقتاردى جيناۋدى جەڭىلدەتىپ، قوقىس شىعارۋ ۇدەرىسىن جاقسارتۋعا مۇمكىندىك بەرەدى.
ەسكە سالساق، 2012 جىلى الماتىدا 197 تەرەڭدەتىلە كومىلگەن كونتەينەرلىك الاڭ جانە 1 001 كونتەينەر سالىنعان بولاتىن. الايدا 10 جىلدىق پايدالانۋ كەزەڭىندە بۇل كونتەينەرلەر اگرەسسيۆتى ورتا اسەرىنەن قاتتى توزعان. وسىعان بايلانىستى قالادا ساپاسى جوعارى جاڭا كونتەينەرلەر ساتىپ الىنۋدا.
جاڭا كونتەينەرلەر جوعارى ساپالى ەكولوگيالىق تازا پوليەتيلەننەن جاسالعان. الەمدىك ستاندارتتارعا ساي، امادان تىس توزۋعا ءتوزىمدى، تەحنولوگياسى ماتەريالدىڭ بىركەلكى قالىڭدىعىن جانە بەرىكتىگىن قامتاماسىز ەتەدى.