2025 جىلدىڭ باسىنان بەرى 267،2 مىڭ قازاقستاندىق، ونىڭ ىشىندە 45،2 مىڭعا جۋىق جۇمىسسىز Skills Enbek ونلاين-پلاتفورماسىندا وقۋدان ءوتىپ، سەرتيفيكات الدى. پلاتفورمادا قازىرگى تاڭدا 809،8 مىڭ ادام تىركەلگەن، ولاردىڭ 311،1 مىڭى بيىل قوسىلعان. جوبانىڭ ىسكە قوسىلعانىنان بەرى 678،1 مىڭ ادام ءبىلىم العان.
جۇمىسسىزدار قاتارىنداعى 12،4 مىڭعا جۋىعى تۇركىستان، قىزىلوردا، قوستاناي وبلىستارى مەن شىمكەنت قالاسىنىڭ جاستارى.
پلاتفورما ىسكە قوسىلعاننان بەرى اۆتورلار 1 000-نان استام كۋرس جاريالادى، ونىڭ 340-ى تەگىن. سونداي-اق Courstore، Fluent Education جانە ياندەكس قازاقستان سەرىكتەستەرىنىڭ كۋرستارى بار. كۋرستاردىڭ ۇزاقتىعى 1-دەن 72 ساعاتقا دەيىن.
شىلدە ايىندا ەڭ كوپ سۇرانىسقا يە بولعان كۋرستار قاتارىندا «تۆوي كارەرنىي ستارت: كاك يسپولزوۆات “ەلەكتروننۋيۋ بيرجۋ ترۋدا”»، «كاسسير»، «ستراحوۆوي اگەنت»، «پروفەسسيونالنىي كۋرس ينديۆيدۋالنوگو پوموششنيكا دليا سوپروۆوجدەنيا ليس س ترۋدنوستيامي ۆ پەرەدۆيجەنيي» جانە «پوستروەنيە وتدەلا پروداج ۆ وتەلە» بار.
پلاتفورمادا SMART SKILLS، باسقارۋ جانە باسقا دا سالالار بويىنشا تەگىن كۋرستار سانى ارتىپ كەلەدى. جوبا حالىقتىڭ ءبىلىم دەڭگەيى مەن كاسىبيلىگىن ارتتىرۋعا، مانساپتىق دامۋدى ىنتالاندىرۋعا جانە «ءومىر بويى وقىتۋ» تۇجىرىمداماسىن ىلگەرىلەتۋگە باعىتتالعان.
وقۋ قارقىنىن، ءتىلىن جانە ماتەريالدى بەرۋ فورماتىن (ءماتىن، بەينە، اۋديو، ينفوگرافيكا) ءار ءبىلىم الۋشى ءوزى تاڭدايدى. كۋرستى اياقتاۋ ءۇشىن 70% نەمەسە ودان جوعارى ناتيجەمەن تەست تاپسىرىپ، باعالاۋ جۇرگىزۋ قاجەت. سەرتيفيكات Enbek.kz پورتالىنداعى تۇيىندەمەگە اۆتوماتتى تۇردە قوسىلادى جانە جۇمىس بەرۋشىلەرگە كورىنەدى.
اۆتورلار ءۇشىن كۋرستاردى تەگىن جاريالاۋ، ساباق قۇراستىرۋشى، ستاتيستيكا، سەرتيفيكات ۇلگىلەرى جانە وقۋ قۇنىن ەسەپتەۋ كالكۋلياتورى قولجەتىمدى. پلاتفورما ەرەكشە قاجەتتىلىكتەرى بار ادامدارعا بەيىمدەلگەن.
2023 جىلدىڭ جەلتوقسانىنان باستاپ كۋرستاردى Enbek ءموبيلدى قوسىمشاسى ارقىلى دا وتۋگە بولادى. قوسىمشانى Google Play نەمەسە App Store-دان جۇكتەۋگە بولادى.
تىركەلۋ جانە جۇمىس ىستەۋ بويىنشا سۇراقتار ءۇشىن «ەردو» اق قىزمەتكەرلەرىنە 8 (7172) 95 43 17 (ىشكى 877، 888) ءنومىرى ارقىلى حابارلاسۋعا بولادى.