«جايلى مەكتەپ» ۇلتتىق جوباسىن ىسكە اسىرۋ اكىمدىكتىڭ ەرەكشە باقىلاۋىندا.
الماتى قالاسى ءماسليحاتىنىڭ كەزەكتى XV سەسسياسى بارىسىندا ءماسليحات دەپۋتاتتارى مەگاپوليستەگى وقۋ ورىندارىن سالۋ مەن پايدالانۋعا بەرۋ بارىسىن سۇرادى، دەپ حابارلايدى Almaty-akshamy.kz
قالا قۇرىلىسى باسقارماسىنىڭ باسشىسى الماس شابداربايەۆتىڭ جاۋابى:
«جايلى مەكتەپ» ۇلتتىق جوباسىن ىسكە اسىرۋ اياسىندا الماتى قالاسى بويىنشا ءبىلىم بەرۋ سالاسىنداعى قولدانىستاعى نورماتيۆتەرگە سايكەس زاماناۋي تەحنولوگيالىق جابدىقتارمەن جاراقتاندىرىلعان 36 800 ورىندىق 22 مەكتەپ سالۋ جوسپارلانعان. بيىل جىل سوڭىنا دەيىن 34 800 ورىندىق 21 مەكتەپتى پايدالانۋعا بەرۋ، 2025 جىلى 2 000 ورىندىق 1 مەكتەپتى ىسكە قوسۋ جوسپارلانعان. 23 100 وقۋشىعا ارنالعان 13 مەكتەپتىڭ قۇرىلىسىنا ءبىرىڭعاي تاپسىرىس بەرۋشى «Samruk-Kazyna Construction» اق بولىپ تابىلادى. قازىرگى ۋاقىتتا اكىمدىك «Samruk-Kazyna Construction» اق بالانسىنا 13 جەر ۋچاسكەسىن بەردى. بارلىق ۋچاسكەدە بولشەكتەۋ جۇمىستارى اياقتالىپ، قولدانىستاعى جەلىلەردى شىعارۋ جۇزەگە اسىرىلدى، سونداي-اق شۇڭقىردى ازىرلەۋ بويىنشا ورىندالعان جۇمىستار بويىنشا كونسترۋكسيانىڭ قۇرىلىسى جۇرگىزىلۋدە. ءارى قاراي قالالىق جەلىلەرگە قوسىلا وتىرىپ، ينجەنەرلىك-كوممۋنالدىق ينفراقۇرىلىمعا جسق ازىرلەۋ قولعا الىنعان. بۇل 2024 جىلدىڭ 1 قىركۇيەگىنە دەيىن جۇزەگە اسادى.
جەكە ينۆەستورلاردان 11 700 ورىندىق 8 مەكتەپ الۋعا كەلسەك. ينۆەستورلارمەن ساتىپ الۋ تۋرالى ءتيىستى مەموراندۋمعا قول قويىلدى. «Qazaq Stroy» ج ش س 5 نىساندى تاپسىرادى، ونىڭ ىشىندە 4-نە جسق ازىرلەۋ جانە قۇرىلىس-مونتاجداۋ جۇمىستارى جۇرگىزىلۋدە، 1 مەكتەپتىڭ قۇرىلىسى 95% ءبىتتى، اياقتالۋعا جاقىن (جيھاز جانە جابدىق اكەلىندى). قالعان 3 مەكتەپ بويىنشا («Dostar Fresh Market» ج ش س، «تime group» ج ش س جانە «پاراسات» ج ش س) جوبالىق جۇمىستار اياقتالۋدا، قمج وسى جىلدىڭ مامىردىڭ سوڭىندا باستالادى دەپ جوسپارلانىپ وتىر.
العاباس شاعىن اۋدانىندا 2000 ورىندىق 1 مەكتەپتى سالۋ ءمجا باعدارلاماسى اياسىندا جۇزەگە اسىرۋ جوسپارلانعان. قمج 2024 جىلدىڭ قىركۇيەگىندە باستالىپ، 2025 جىلدىڭ جەلتوقسانىندا پايدالانۋعا بەرۋ كوزدەلگەن.