2025 جىلعا دەيىن تاعى 1000 مەكتەپتى جاڭعىرتۋدان وتكىزۋ جوسپارلانۋدا. ايتا كەتۋ كەرەك، بۇل باستاما مەملەكەت باسشىسىنىڭ سايلاۋالدى باعدارلاماسى اياسىندا جۇزەگە اسىرىلۋدا، دەپ حابارلايدى اlmaty-akshamy.kz.
مودەرنيزاسيا قالا جانە اۋىل مەكتەپتەرى اراسىنداعى الشاقتىقتى ازايتۋعا، سونداي-اق بالالارعا ءبىلىم مەن تاربيە بەرۋ ءۇشىن جايلى جاعداي جاساۋعا، ماتەريالدىق-تەحنيكالىق بازانى كۇشەيتۋگە باعىتتالعان. اتاپ ايتقاندا، ول مەكتەپتەرگە اعىمداعى جانە كۇردەلى جوندەۋ جۇمىستارىن جۇرگىزۋ، پاندىك كابينەتتەر ساتىپ الۋ (حيميا، فيزيكا، بيولوگيا، STEM، روبوتەحنيكا جانە باسقالارى)، مەكتەپ جيھازدارىن جاڭارتۋ، اسحانا، كىتاپحانا بولمەلەرىن جاڭعىرتۋ، سونداي-اق مەكتەپتە قاۋىپسىزدىك جاعدايلارىن جاقسارتۋدى قامتيدى.
وسى رەتتە 2024-2025 وقۋ جىلى 712 مەكتەپتە اعىمداعى جانە كۇردەلى جوندەۋ جۇمىستارى جۇرگىزىلەدى، 532 مەكتەپكە 1000-عا جۋىق پاندىك كابينەت ساتىپ الىنادى، 574 مەكتەپتە جيھاز جاڭارتىلادى، 481 مەكتەپتە اسحانا، 757 مەكتەپتە كىتاپحانا جاڭعىرتىلادى. بۇل جۇمىستاردىڭ ناتيجەسىندە 366 مىڭ وقۋشى ءۇشىن ءبىلىم الۋ جاعدايى جاقسارتىلادى دەپ كۇتىلۋدە