ق ر وقۋ-اعارتۋ مينيسترلىگى بالالاردى قوسىمشا بىلىممەن قامتۋدى ارتتىرۋ بويىنشا جوسپارلى جۇمىس جۇرگىزۋدە.
2025 جىلعا دەيىن بالالاردىڭ شىعارماشىلىق جانە زياتكەرلىك الەۋەتىن دامىتۋ ءۇشىن 50 بالالار ساۋىقتىرۋ ورتالىعىن اشۋ جانە كەمىندە 100 زاماناۋي نىسان سالۋ كوزدەلگەن. بۇل تۋرالى قوسىمشا ءبىلىم بەرۋ سالاسىنداعى رەسپۋبليكالىق سەميناردا وقۋ-اعارتۋ ۆيسە-مينيسترى ەدىل وسپان مالىمدەدى، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
«بالالاردىڭ قۇقىقتارىنىڭ ساقتالۋىن قامتاماسىز ەتۋ - مەملەكەتتىك ساياساتتىڭ نەگىزگى مىندەتى بولىپ تابىلادى. وڭىرلەردە وقۋشىلار مەن ولاردىڭ اتا-انالارىنىڭ قاجەتتىلىكتەرىنە باعىتتالعان تاربيە بەرۋ جۇيەلەرى تابىستى جۇمىس ىستەۋدە. قوسىمشا ءبىلىم بەرۋ - بالالار مەن جاسوسپىرىمدەر اراسىندا قۇقىق بۇزۋشىلىقتار مەن باسقا دا جاعىمسىز قۇبىلىستاردىڭ الدىن الۋدا ماڭىزدى ءرول اتقارادى. وسى بويىنشا ينفراقۇرىلىمدى دامىتۋدى جالعاستىرۋ قاجەت»،- دەپ اتاپ ءوتتى ق ر وقۋ-اعارتۋ ۆيسە-مينيسترى.
سەميناردا قاتىسۋشىلار تاجىريبە الماسىپ، وڭىرلەردەگى قوسىمشا ءبىلىم بەرۋ ۇيىمدارىنىڭ ۇزدىك تاجىريبەلەرىمەن تانىستى. ۇسىنىلعان جوبالار مەن باعدارلامالار قاتىسۋشىلارعا بالالار مەن جاسوسپىرىمدەردى وقىتۋ مەن تاربيەلەۋدىڭ ءارتۇرلى تاسىلدەرىمەن تانىسۋعا مۇمكىندىك بەردى. ايتا كەتەيىك، بۇگىندە ەلىمىزدە 1713 قوسىمشا ءبىلىم بەرۋ ۇيىمى، 380 ءتۇرلى ۇيىرمە جۇمىس ىستەيدى. وقۋشىلاردى قامتۋ دەڭگەيى 81،6% قۇرايدى.