2024 جىلدىڭ ءبىرىنشى جارتىجىلدىعىندا MasterCard دەرەكتەرىنە سايكەس الماتىداعى تۋريستىك اعىن ۇشتەن بىرىنە ارتادى.
مەگاپوليسكە شەتەلدىك قوناقتاردىڭ قىزىعۋشىلىعى ارتقان سايىن اۋە كومپانيالار رەيستەر اراسىنداعى ارالىقتاردى قىسقارتۋ، سىيىمدىلىعى جوعارى ۇشاقتاردى تاڭداۋ سىندى شارالار قابىلداۋدا. بۇل تۋرالى الماتى قالاسىنىڭ تۋريزم باسقارماسى حابارلادى.
ماسەلەن، وسى جىلدىڭ ماۋسىم ايىندا الماتى اۋەجايىنىڭ جاڭا تەرمينالىنىڭ قۇرىلىسى اياقتالادى، سونىڭ ارقاسىندا جالپى وتكىزۋ قابىلەتى جىلىنا 14 ملن جولاۋشىعا دەيىن وسەدى.
قالادا جىل سايىن تۋريستىك اعىننىڭ ارتۋى اياسىندا تۋريستىك ينفراقۇرىلىمدى دامىتۋعا كوپ كوڭىل بولىنەدى.
3،2 مىڭ بولمەلى 15 قوناق ءۇيدىڭ قۇرىلىسى مەن ديزاينى جۇرگىزىلۋدە. 2025 جىلدىڭ قورىتىندىسى بويىنشا ينۆەستورلاردى تۇرعىن ءۇي قۇرىلىسىنان قوناق ۇيلەر سالۋعا ىنتالاندىرۋ ارقىلى نومىرلىك قوردى 1،5 ەسە 17 مىڭ نومىرگە دەيىن ۇلعايتۋ جوسپارلانعان.
