بۋندەستاگ ولاف شولسقا سەنىمسىزدىك ۆوتۋمىن ءبىلدىردى
دەپۋتاتتاردىڭ باسىم كوپشىلىگى بۇل شەشىمگە جەكە داۋىس بەرۋ بارىسىندا قولداۋ كورسەتتى. شولسقا سەنىمسىزدىك بىلدىرگەندەردىڭ سانى – 394، 207 دەپۋتات كانسلەردى قولدادى، ال 116-سى قالىس قالدى.
ەندى ولاف شولس گەرمانيا پرەزيدەنتى فرانك-ۆالتەر شتاينمايەرگە پارلامەنتتى تاراتۋ تۋرالى ۇسىنىس ەنگىزۋى ءتيىس. بۇل شەشىمدى قابىلداۋعا گەرمانيا پرەزيدەنتىنىڭ 21 كۇنى بار. وسى ارالىقتا قازىرگى ۇكىمەت كەزەكتەن تىس سايلاۋ وتكەنگە دەيىن ءوز جۇمىسىن جالعاستىرا بەرەدى. سايلاۋ 2025 جىلدىڭ 23 اقپانىنا جوسپارلانىپ وتىر.
داۋىس بەرۋ الدىندا حريستيان-دەموكراتيالىق وداق (حدس) جەتەكشىسى فريدريح مەرس روبەرت حابەك باستاعان «جاسىلدارمەن» كواليسيا قۇرۋ مۇمكىندىگىن جوققا شىعاردى. مەرس حابەكتىڭ سالىقتاردى كوتەرۋ جانە قايتا ءبولۋ ساياساتىن سىنعا الىپ، ونى «گەرمانياداعى ەكونوميكالىق داعدارىستىڭ بەت-بەينەسى» دەپ اتادى.