بۇگىن ق ر ونەركاسىپ جانە قۇرىلىس ءمينيسترى قانات شارلاپايەۆ «Stadler Kazakhstan» جشس-نە كەلدى.
كومپانيا «Stadler Rail» كومپانيالار توبىنا كىرەدى جانە قازاقستان تەمىرجولدارى ءۇشىن جولاۋشىلار ۆاگوندارىنىڭ جەتەكشى ءوندىرۋشىسى، دەپ حابارلايدى aqshamnews.kz ونەركاسىپ جانە قۇرىلىس مينيسترلىگىنە سىلتەمە جاساپ.
وندىرىستىك الاڭ استانا قالاسىنىڭ يندۋستريالدى پاركىندە ورنالاسقان. ءۇي-جايلاردىڭ جالپى اۋدانى 31 مىڭ شارشى مەتردەن اسادى، كاسىپورىننىڭ وندىرىستىك قۋاتى جىلىنا 100-دەن استام جولاۋشىلار ۆاگونىن قۇرايدى
«Stadler Kazakhstan» ج ش س ستراتەگيالىق سەرىكتەسى – قازاقستان رەسپۋبليكاسىنىڭ ۇلتتىق تاسىمالداۋشىسى «جولاۋشىلار تاسىمالى» اق. بۇل «قازاقستان تەمىر جولى» ۇك» اق ەنشىلەس كاسىپورنى، ونىمەن جاڭا بۋىننىڭ زاماناۋي جايلى جولاۋشىلار ۆاگوندارىن جەتكىزۋ تۋرالى كەلىسىمگە قول قويىلعان. ولار 160 كم/ساع جىلدامدىقپەن قوزعالۋعا ارنالعان، قىزمەت ەتۋ مەرزىمى – 40 جىل قۇرايدى.
شىعارىلاتىن كولىكتەر ەاەو تەحنيكالىق رەگلامەنتتەرىنە جانە اۆتوموبيل جاساۋداعى سوڭعى تەحنولوگياعا ساي بولادى.
2025 جىلدىڭ 2-توقسانىنىڭ باسىنا قاراي «Stadler Kazakhstan» زاۋىتىندا جولاۋشىلار ۆاگوندارى ءوندىرىسى ىسكە قوسىلادى. «قتج» ۇك» اق-مەن جاسالعان وففتەيك كەلىسىمشارتتارى اياسىندا 2030 جىلعا دەيىن جالپى سوماسى $2،3 ملرد قۇرايتىن كەپىلدەندىرىلگەن 537 بىرلىكتى ساتىپ الۋ قامتاماسىز ەتىلدى.
قازىرگى تاڭدا جۇمىسشىلار سانى 300 ادامعا جەتكەن ءىرى كاسىپورىنعا اينالدى.