جىل سايىن 20 مامىردا الەمنىڭ تراۆماتولوگ-دارىگەرلەرى وزدەرىنىڭ كاسىبي مەرەكەسىن اتاپ وتەدى.
ەلىمىزدىڭ تراۆماتولوگتارى كۇن سايىن مىڭداعان ادامعا شىن مانىندە اياعىنان تۇرىپ كەتۋگە كومەكتەسەدى. اشىق سۇيەك سىنۋى، كۇيىكتەر، جول-كولىك وقيعالارى، كۇردەلى بۋىن وپەراسيالارى – مۇنداي ءاربىر جاعدايدىڭ ارتىندا كادر سىرتىندا قالىپ جاتاتىن، ءبىراق ءاردايىم شەشۋشى ءرول اتقاراتىن دارىگەرلەر كومانداسى تۇرادى.
بۇگىندە ەلىمىزدە 1508 تراۆماتولوگ، ونىڭ ىشىندە 174ء-ى اۋىلدىق جەرلەردە قىزمەت ەتەدى.
2024 جىلى ستاسيونارلاردا جاراقات العان 240 مىڭنان استام پاسيەنت ەمدەلدى، ال اۋرۋحاناىشىلىك ءولىم كورسەتكىشى 1،1%-عا دەيىن تومەندەدى، بۇل مەديسينالىق كومەكتىڭ ساپاسى ارتىپ كەلە جاتقانىن كورسەتەدى. وتكەن جىلى جالپى جاراقاتتانۋ كورسەتكىشى دە 2023 جىلمەن سالىستىرعاندا 3،3%-عا تومەندەگەنى بايقالدى.
2024 جىلى جاراقاتقا بايلانىستى جەدەل جاردەم شاقىرتۋلارىنىڭ جالپى سانى 741 728-گە جەتتى، ونىڭ ىشىندە جول-كولىك وقيعالارىنا بايلانىستى شاقىرتۋلار 4،6%-عا ءوسىپ، 47،8 مىڭدى قۇرادى.
جاراقات پەن ۋلانۋ جاعدايلارىمەن ەم العانداردىڭ قۇرىلىمىندا نەگىزگى ۇلەستى قول-اياق جاراقاتتارى الادى (35%)، ودان كەيىن – باس جانە مويىن جاراقاتتارى (24%)، ال ۋلانۋ مەن باسقا دا جاراقاتتاردىڭ ءارقايسىسى 10%-دى قۇرايدى.
دەنساۋلىق ساقتاۋ جۇيەسىن جاڭعىرتۋعا باعىتتالعان مەملەكەتتىك باعدارلامانىڭ شەڭبەرىندە ەل بويىنشا تراۆماتولوگيالىق توسەكتەردىڭ سانى 9،7%-عا ارتتىرىلىپ، ارنايى بولىمشەلەر مەن كابينەتتەردىڭ جەلىسى كەڭەيتىلدى.
تراۆماتولوگيالىق جانە ورتوپەديالىق كومەك كورسەتۋ ءۇشىن كوپبەيىندى ستاسيونارلاردا 160 تراۆماتولوگيا-ورتوپەديا جانە كۇيىك بولىمشەسى جۇمىس ىستەيدى، ونىڭ ىشىندە 47ء-سى بالالارعا ارنالعان، سونداي-اق، 80 تراۆماتولوگيالىق پۋنكت بار. امبۋلاتوريالىق-ەمحانالىق ۇيىمداردا 291 تراۆماتولوگيالىق كابينەت قىزمەت كورسەتەدى.
وڭالتۋ قىزمەتتەردىڭ دامۋىنا ەرەكشە نازار اۋدارىلىپ وتىر: مۇنداي قىزمەت كورسەتەتىن ورىنداردىڭ سانى 1218-دەن 2251-گە دەيىن ءوستى، بۇل مۇگەدەكتىك دەڭگەيىن ازايتۋعا جانە پاسيەنتتەردىڭ ءومىر ساپاسىن جاقسارتۋعا ىقپال ەتەدى.
قازاقستاننىڭ تراۆماتولوگيالىق-ورتوپەديالىق قىزمەتتى دامىتۋدا ەلەۋلى جەتىستىكتەرگە قول جەتكىزگەنى اتاپ وتۋگە تۇرارلىق. سوڭعى جىلدارى تىرەك-قيمىل اپپاراتىنىڭ جاراقاتتارى مەن اۋرۋلارى بار پاسيەنتتەرگە كورسەتىلەتىن كومەك جۇيەسى بارىنشا قولجەتىمدى، تەحنولوگيالىق جانە وڭالتۋعا باعىتتالعان بولدى.
دەنساۋلىق ساقتاۋ مينيسترلىگى ۆەدومستۆوارالىق ءوزارا ءىس-قيمىل شەڭبەرىندە باسقا مەملەكەتتىك ورگاندارمەن جانە قوعامدىق ۇيىمدارمەن بىرلەسىپ، تۇرمىستا، وندىرىستە جانە كولىكتە قاۋىپسىزدىك ستاندارتتارىن ساقتاۋ بويىنشا پروفيلاكتيكا جۇمىستارىن جۇرگىزۋدە، بۇل ازاماتتاردىڭ ءومىرىن ساقتاپ قالۋعا ىقپال ەتەدى.
باستاپقى مەديسينالىق ۇيىمدار مەن جەدەل جاردەم ستانسيالارىندا توتەنشە جاعدايلار مەن وقىس وقيعالاردان زارداپ شەككەندەرگە العاشقى كومەك كورسەتۋ بويىنشا وقىتۋ جۇرگىزىلۋدە.
دەنساۋلىق ساقتاۋ مينيسترلىگى تراۆماتولوگ دارىگەرلەردى كاسىبي مەرەكەسىمەن قۇتتىقتاپ، ولاردىڭ كاسىبيلىگى مەن حالىق دەنساۋلىعىن ساقتاۋ ىسىنە قوسقان ۇلەسى ءۇشىن شىنايى العىسىن بىلدىرەدى.