استرولوگ دينارا قۇرماننىڭ ايتۋى بويىنشا، نەگىزىنەن جۇڭگو جاڭا جىلى 4 اقپاندا. جىلدىڭ ەنەرگياسىنىڭ ءوزى ايداھارداعى يان اعاشى دەپ اتالادى. بۇل ەمەنگە ۇقساس ءدىڭى مىقتى، تامىرىن تەرەڭگە جاياتىن ۇلكەن اعاش. بۇل وتە قىڭىر اعاش سانالادى. بۇل داراق ءيىلۋدى بىلمەيتىن، وتە قاتتى. سوندىقتان كەلەر جىلدان قىڭىرلىق بايقالۋى مۇمكىن. الايدا استرولوگ دينارا قۇرمان اعاشتىڭ بەكزات، جاعىمدى ەنەرگياسىنىڭ بار ەكەنىن ايتتى، دەپ حابارلايدى اlmaty-akshamy.kz.
"ايداھار - بۇل جىل ساناعىنداعى جالعىز اڭىزدىق (ميف) بەلگى. بۇل ەلەمەنت، ەنەرگيا، اسەر جانە ت.ب. قانداي دا ءبىر اڭىزدىق قايتا قۇرىلۋى بولاتىنىن كورسەتەدى. 2024 - سانانى تۇراقتاندىرۋ ءۇشىن قايتا قۇرۋ جىلى بولادى. بيىلعى جىلدىڭ ەنەرگياسى يگى بولادى دەپ ەسەپتەلەتىندىكتەن، ادامدار ءوزىن سالماقتى ۇستاعانى ءجون. ال جىلدىڭ ءوزى قاقتىعىستارعا اكەپ تۇرادى، ءتىپتى قاراپايىم ادامداردىڭ ءوزى كيكىلجىڭگە كوپ تۇسەدى. ادام ءوزىن سالماقتى، اقىلمەن ويلاۋ ارقىلى عانا بۇل كەدەرگىلەردى جەڭە الادى"، - دەيدى استرولوگ.
2024 جىلى دەننىڭ ساۋلىعىن ساقتاۋ ءۇشىن نەگە كوڭىل ءبولۋ قاجەت؟
2024 جىل جۇڭگو كۇنتىزبەسىندە ايداھارداعى يان اعاشى نەمەسە اعاش ايداھار دەپ اتالادى. سوندىقتان، دينارا قۇرماننىڭ مالىمەتىنە سۇيەنسەك، 2024 جىلى دەنساۋلىققا قالاي كوڭىل ءبولۋ كەرەگى جۇڭگو كۇنتىزبەسى بويىنشا نەگىزدەلگەن ەكى ەلەمەنتكە قاراپ بولجانادى.
ءبىرىنشى ەلەمەنت - يان اعاشى.
"يان اعاشى جوعارى ەموسيونالدىلىق، بۇلىكشىل، اشۋلانشاقتىق، قىڭىرلىق، قوعامعا قارسى مىنەز-قۇلىقپەن بايلانىستى. سوندىقتان، 2024 جىلى پسيحولوگيالىق دەنساۋلىققا كوپ كوڭىل بولگەن ءجون. مىسالى يوگا، مەديتاسيا جاساپ، پسيحولوگ كەڭەسىنە قۇلاق ءتۇرىپ، دۇرىس ۇيىقتاپ، يممۋنيتەتتى نىعايتىپ، ءبىرقالىپتا ۇستاۋ ءۇشىن دارۋمەندەر ءىشۋ كەرەك. 2024 جىلى پسيحولوگيالىق ساۋلىق ءۇشىن بارلىق نارسەگە شىدامدىلىق تانىتىپ، شەشىمىن كيكىلجىڭسىز تابۋعا تىرىسقان ءجون"، - دەيدى مامان.
جۇڭگو مەديسيناسى تۇرعىسىنان يان اعاشى ادام اعزاسىنداعى باۋىر، ۇيقى بەزى، بۇلشىقەت پەن ءسىڭىر سياقتى مۇشەلەرمەن بايلانىستى، ال ايداھار اسقازان-ىشەك جولدارىنىڭ جۇمىسىنا جاۋاپ بەرەتىن جەر ەلەمەنتىمەن بايلانىستى.
"ءبىر قىزىعى، پسيحوسوماتيكا بويىنشا باۋىر مەن ۇيقى بەزىنىڭ اۋرۋلارى ادام اشۋلانعان كەزدە ۇستامدى بولۋعا سەپتىگىن تيگىزەدى، ال اسقازاننىڭ تاماقتى قورىتا الماۋى ادام ومىرىندەگى قيىن جاعدايمەن بايلانىستى بولۋى مۇمكىن. كەز كەلگەن اۋرۋدىڭ الدىن الۋ ءۇشىن اعزانى ۋلى زاتتاردان تازارتىپ، ساپالى ۇيىقتاپ، فيزيكالىق بەلسەندىلىككە نازار اۋدارۋىڭىز كەرەك"، - دەيدى ول.
2024 جىل قازاقستاندا قانداي كاسىپ تۇرلەرى ءساتتى بولماق؟
استرولوگتىڭ ايتۋىنشا، 2024 جىل بىرنەشە ماۋسىمعا سوزىلعان كۇردەلى كەزەڭنىڭ سوڭى بولادى. ويتكەنى، 2013-2017 جىلدارى ەل ەكونوميكاسى العا قاراي جىلجىسا، 2018-2019 جىلدارى قۇلدىراعان، 2020 جىل بۇكىل الەمدى ءدۇر سىلكىندىرگەن سۋىققا بايلانىستى قۇلدىراۋدىڭ ەڭ قيىن ماۋسىمى بولعان.
"2024 جىلدىڭ ءبىرىنشى جارتىسىندا ايداھار الەمگە شاتتانا قارايدى، بۇل ەكونوميكانىڭ جاندانۋىنا وڭ اسەر بەرەدى. دەگەنمەن تامىزدان كەيىن ەكونوميكا قارقىنى باياۋلايدى، ءبىراق بۇل ساتتىلىك الدىنداعى توقىراۋ بولۋى مۇمكىن"، - دەپ ءتۇسىندىردى مامان.
2024 جىلى تابىسقا كەنەلىپ، سۇرانىسقا يە بولاتىن سالالار:
- بانك سەكتورى؛
- جوعارى تەحنولوگيالار؛
- بيزنەس-پروسەستەردى اۆتوماتتاندىرۋ جۇيەلەرى؛
- اۆتوموبيل جاساۋ؛
- ماشينا جاساۋ؛
- سۇلۋلىق يندۋسترياسى (تەرى كۇتىمى)؛
- فارماسيەۆتيكا؛
- بيوتەحنولوگيا؛
- مەديا؛
- ءسان؛
- ەكولوگيا؛
- جاسىل ەنەرگيا؛
- بايلانىس؛
- لوگيستيكا.
ويىن-ساۋىقتى جانداندىرۋ، مەيرامحانا بيزنەسى، كونسەرتتىك قىزمەت، ءتۇرلى مادەني جانە ىسكەرلىك ءىس-شارالار، شىعارماشىلىقپەن بايلانىستى بارلىق سالا جاڭا سەرپىن الادى.
2024 جىلى قازاقستاندا ساياسي جاعداي قانداي بولادى؟
ەلىمىزدە سوڭعى بىرنەشە جىلدا ايتارلىقتاي تاجىريبە اكەلگەن جاعداي كوپ بولدى.
بيىل قازاقتىڭ جىل ساناۋى بويىنشا ۇلۋ جىلى. ۇلۋ - مۇشەل ەسەبىنىڭ بەسىنشى جىلى، قويان جىلىنان سوڭ، جىلان جىلىنان بۇرىن كەلەدى. قازاق بۇرىننان ءار جىلدىڭ وزىنە ءتان سيپاتىن بەرگەن. ال ۇلۋ جىلى قانداي بولادى؟ كەلەر 2024 جىلدىڭ قانداي بولاتىنىن استرولوگ دينارا قۇرمان Massaget.kz تىلشىسىنە ايتىپ بەردى.
2024 - ۇلۋ جىلى قانداي بولادى؟
"كەلەر جىلى قوعامدا بۇلىكشىل رۋح ساقتالادى، ايەلدىڭ قوعامداعى جانە ساياساتتاعى ءرولى ەداۋىر ارتادى. زاڭنامالىق اكتىگە، ونىڭ ىشىندە سوت جۇيەسىنە ەلەۋلى وزگەرىستەر ەنگىزىلەدى.
ال شەت ەلدەگى قاقتىعىستاردىڭ كۇشەيۋ ىقتيمالدىلىعى جوعارى، قاقتىعىستى باستاعان پرەزيدەنتتەردىڭ تۋعان كۇندەرىن زەرتتەۋ ارقىلى ولار ماسەلەنىڭ شەشىمىن تابۋ ءۇشىن كەلىسسوز جۇرگىزەدى دەگەن ءۇمىتتىڭ از ەكەنىن بايقادىم.
2024 جىل - تەك ءبىزدىڭ ەلىمىزدە عانا ەمەس، جالپى الەمدە دە ەلەۋلى وزگەرىستەر جىلى بولادى. كەم دەگەندە، الەمدەگى مەملەكەتتەردىڭ جارتىسى كەلەسى جىلى تاڭدامالى ساياسي ناۋقان ۇيىمداستىرادى دەپ ەسەپتەيمىن"، - دەپ بولجادى استرولوگ.
2024 جىلى ءقاۋىپتى ايلار مەن كەزەڭدەر
سونىمەن قاتار، استرولوگ كەلەر جىلى ءقاۋىپتى كەزەڭگە قانداي ايلار كىرەتىنىن ايتتى.
"2024 جىلدىڭ ءقاۋىپتى كەزەڭىنە ءساۋىر جانە قازان ايلارى كىرەدى. ايداھار جەر ەلەمەنتىنە جاتاتىندىقتان، بارلىق ءقاۋىپتى كورىنىس جەرمەن بايلانىستى، مىسالى جەر اپاتتارى، جارىلىستار، كوشكىندەر. سوندىقتان وسى كەزەڭدە الىس جولعا جانە تاۋعا شىعۋدان باس تارتقانىڭىز ابزال"، - دەيدى دينارا قۇرمان.