الماتىلىقتار اراسىندا وتباسىن قۇرعاندار كوبەيگەن، ال زاڭ قىزمەتتەرى قولجەتىمدى: الماتى ادىلەت دەپارتامەنتىنىڭ 2024 جىلعى جۇمىس قورىتىندىسى
الماتىلىقتار اراسىندا نەكەگە تۇرۋشىلار جيىلەگەن، 20 مىڭعا جۋىق تۇرعىن تەگىن زاڭ كومەگىن الدى، اپوستيل قويۋعا قۇجاتتاردى ۇيدەن شىقپاي-اق بەرۋگە بولادى. وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى ادىلەت دەپارتامەنتىنىڭ باسشىسى بالايىم كەسەبايەۆا جۇمىس قورىتىندىلارىمەن ءبولىستى، دەپ حابارلايدى aqshamnews.kz.
ستاتيستيكا كورسەتكەندەي، 2024 جىلى الماتى قالاسىندا وتباسى قۇرعاندار سانى +12،09% - عا، نەكەنى بۇزۋ 2023 جىلدىڭ سايكەس كەزەڭىمەن سالىستىرعاندا +1،38% - عا ۇلعايدى.
اتاپ وتىلگەندەي، قازىرگى ۋاقىتتا ءاتى-جونىن وزگەرتۋ تۋرالى اكت جازباسى تىركەلمەيدى جانە اتىن، اكەسىنىڭ اتىن جانە تەگىن وزگەرتۋ تۋرالى كۋالىك بەرىلمەيدى. بالايىم كەسەبايەۆانىڭ ايتۋىنشا، كەيبىر ازاماتتار اتىن نەمەسە اكەسىنىڭ اتىن وزگەرتكەننەن كەيىن ءبىر اي ىشىندە جەكە كۋالىگى مەن ءتولقۇجاتىن اۋىستىرۋدى ۇمىتىپ كەتەدى. وسىعان بايلانىستى سپيكەر ءبىر اي ىشىندە جەكە باسىن كۋالاندىراتىن قۇجاتتاردى اۋىستىرۋ قاجەتتىگىن ەسكە سالدى.
وتكەن كەزەڭدە دەپارتامەنت 37 144 «اپوستيل قويۋ» قىزمەتىن كورسەتتى، بۇل رەسپۋبليكا بويىنشا كورسەتىلگەن مەملەكەتتىك قىزمەتتەردىڭ 43% - ىن قۇرايدى.
ءبىزدىڭ ازاماتتارعا ىڭعايلى بولۋ ءۇشىن ەلەكتروندىق ۇكىمەت پورتالىندا «ە-اپوستيل» فۋنكسياسى جۇزەگە اسىرىلدى. ۇيدەن شىقپاي، حقكو-عا بارماي-اق، ءبىزدىڭ ازاماتتار اپوستيل قويۋعا قۇجاتتاردى ونلاين رەجيمىندە تاپسىرا الادى. سونىمەن قاتار، ەلەكتروندىق ۇكىمەت پورتالى ارقىلى قىزمەت كورسەتۋ مەرزىمى ءبىر كۇندى قۇرايدى، بۇل مەملەكەتتىك قىزمەتتى الۋ ءراسىمىن وتە جەڭىلدەتەدى.
ەسەپتى كەزەڭدە مەملەكەت كەپىلدىك بەرگەن زاڭ كومەگى بويىنشا جۇمىستى ۇيىمداستىرۋ ناتيجەلەرى بويىنشا ادۆوكاتتار 19 763 ازاماتقا تەگىن زاڭ كومەگىن كورسەتتى. وسىلايشا، ينديكاتور 100%-عا جەتەدى.
ۇوس قاتىسۋشىلارى، ولارعا تەڭەستىرىلگەن ادامدار، سونداي-اق باسقا مەملەكەتتەردىڭ اۋماعىنداعى اسكەري قيمىلداردىڭ ارداگەرلەرى، مەرزىمدى قىزمەتتەگى اسكەري قىزمەتشىلەر، 1 جانە 2 توپتاعى مۇگەدەكتىگى بار ادامدار، جاسى بويىنشا زەينەتكەرلەر، كوپ بالالى وتباسىلار، از قامتىلعان ازاماتتار، زياندى وتەۋ ماسەلەلەرى بويىنشا جەكە تۇلعالار قۇقىقتىق كەڭەس بەرۋ تۇرىندەگى تەگىن زاڭ كومەگىن الا الاتىنىن اتاپ وتكەن ءجون، اسىراۋشىسىنىڭ قايتىس بولۋىنان، جۇمىسقا بايلانىستى دەنساۋلىققا كەلتىرىلگەن زياننىڭ ورنىن تولتىرۋدان نەمەسە قىلمىستىق قۇقىق بۇزۋشىلىقتان، جىنىستىق زورلىق-زومبىلىقتان، ادام ساۋداسىنان زارداپ شەككەندەر، وسى مارتەبەگە نەمەسە جاعدايعا بايلانىستى ادامدار قۇقىقتارى مەن زاڭدى مۇددەلەرىن قامتاماسىز ەتۋ جانە قورعاۋ ماسەلەلەرى بويىنشا تەگىن زاڭدى كەڭەس الا الاتىنىن اتاپ وتكەن ءجون.
ينتتەلەكتۋالدى مەنشىك قۇقىعىن قورعاۋ:
2024 جىلى زياتكەرلىك مەنشىكتى قورعاۋ سالاسىندا جوسپاردان تىس 109 تەكسەرۋ جۇرگىزىلدى. 58 ميلليون تەڭگە بولاتىن 50 000-نان استام كونترافاكتىلىك تاۋارلار تاركىلەندى.
اتقارۋشىلىق قۇجاتتارمەن جۇمىس:
2024 جىلى مەملەكەتتىك جانە جەكە سوت ورىنداۋشىلارىنىڭ وندىرىسىندە 731 274 اتقارۋشىلىق ءىس جۇرگىزىلدى. الەۋمەتتىك ماڭىزى بار ىستەرگە (اليمەنت، جالاقى) ەرەكشە نازار اۋدارىلدى. بورىشكەرلەردى اكىمشىلىك جانە قىلمىستىق جاۋاپكەرشىلىككە تارتۋ بويىنشا شارالار جۇرگىزىلدى، بۇل بەرەشەكتەردى نەعۇرلىم ءتيىمدى ءوندىرىپ الۋعا ىقپال ەتتى.