الداعى جىلى بوكستان ايەلدەر اراسىندا الەم چەمپيوناتى استانادا وتەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
حالىقارالىق بوكس فەدەراسياسىنىڭ (IBA) ديرەكتورلار كەڭەسى تاشكەنت قالاسىندا وتكەن رەسمي جينالىسىندا وسىنداي شەشىم قابىلدادى.
قازاقستان بوكس فەدەراسياسىنىڭ حالىقارالىق قاتىناستار جونىندەگى ۆيسە-پرەزيدەنتى ءازيز قوجامبەتوۆ ءوتىنىم بەرگەن.
جارىس استاناداعى «بارىس ارەنادا» وتەدى.
«قازاقستان سياقتى مىقتى بوكس ەلىنىڭ IBA-نىڭ ءىرى تۋرنيرلەرىنىڭ ءبىرىن وتكىزەتىنىنە قۋانىشتىمىن. بۇعان دەيىن وسىنداي دودا استانادا 2016 جىلى وتكەن، ەندى، مىنە، قايتا ورالعالى وتىر. مەن تاماشا چەمپيوناتتى اسىعا كۇتەمىن جانە الداعى جىلى استانادا باس قوساتىن بوكسشىلاردى قۇتتىقتايمىن»، - دەدى IBA پرەزيدەنتى ۋمار كرەمليەۆ.
ەسكە سالا كەتەيىك، بۇدان بۇرىن قازاقستان بوكس قۇراماسىنىڭ مەدالدار كەستەسىندە ەكىنشى ورىننان كورىنگەنىن جازعان بولاتىنبىز.