ۇقشۇ ۇجىمدىق قاۋىپسىزدىك كەڭەسى ءوزارا ءتيىمدى ىنتىماقتاستىققا قۋاتتى سەرپىن بەرەدى. بۇل تۋرالى ق ر پرەزيدەنتى جانىنداعى قسزي باس عىلىمي قىزمەتكەرى ەربولات سەيلەحانوۆ مالىمدەدى، دەپ حابارلايدى اlmaty-akshamy.kz.
«مەملەكەت باسشىلارى حالىقارالىق جانە وڭىرلىك قاۋىپسىزدىكتىڭ جاي-كۇيى مەن دامۋ پەرسپەكتيۆالارىن، ونىڭ ۇجىمدىق قاۋىپسىزدىك تۋرالى شارت ۇيىمىنا مۇشە مەملەكەتتەردىڭ قاۋىپسىزدىگىنە اسەرىن ەگجەي-تەگجەيلى تالقىلادى. ۇيىمنىڭ سەسسياارالىق كەزەڭدەگى جۇمىسىن قورىتىندىلادى. الداعى كەزەڭگە ارنالعان جوسپارلاردى ايقىندادى. مينسكىدەگى كەزدەسۋ ۇقشۇ-عا قاتىسۋشى ەلدەردىڭ سىرتقى قاۋىپتەردىڭ الدىن الۋ جانە بەيتاراپتاندىرۋداعى، جانجالداردى بەيبىت جولمەن رەتتەۋدەگى، بىتىمگەرشىلىك قىزمەتتى جۇرگىزەتىنىن كورسەتتى»، – دەدى ەربولات سەيلەحانوۆ.