سەنبى كۇنى، 17 ماۋسىمدا ۇكىمەتتە كاسىپكەرلىك سالاسىندا «تازا پاراقتان» رەتتەۋدى ەنگىزۋ جانە بيزنەس سۋبەكتىلەرىن مەملەكەتتىك باقىلاۋ جانە قاداعالاۋ جۇيەسىن اۆتوماتتاندىرۋ ماسەلەلەرى قارالدى، دەپ حابارلايدى Almaty-akshamy.kz.
ق ر پرەمەر-مينيسترى ءاليحان سمايىلوۆتىڭ توراعالىعىمەن وتكەن كەڭەستە مەملەكەتتىك ورگاندار «اتامەكەن» ۇكپ-مەن بىرلەسىپ، بيزنەستى رەتتەۋدىڭ 44 سالاسىنا تالداۋ جاساعانى ايتىلدى. ناتيجەسىندە جاڭا رەتتەۋ ساياساتىنىڭ شارتتارىنا سايكەس كەلمەيتىن 10 108 تالاپ انىقتالدى.
ۇلتتىق ەكونوميكا ءمينيسترى الىبەك قۋانتىروۆتىڭ ايتۋىنشا، بۇگىندە كاسىپكەرلەرگە قويىلاتىن نەگىزسىز تالاپتاردى جويۋعا ارنالعان زاڭنامالىق اكتىلەرگە 386 تۇزەتۋدەن تۇراتىن ءبىرىڭعاي پۋل قالىپتاستىرىلعان. جاقىن ارادا ولاردى پارلامەنتتەگى بيزنەستى جۇرگىزۋ ماسەلەلەرى تۋرالى زاڭ جوباسىنا (9 پاكەت) قوسۋ جوسپارلانىپ وتىر. سونىمەن قاتار مەملەكەتتىك ورگاندار زاڭعا تاۋەلدى اكتىلەرگە سايكەس تالاپتاردىڭ كۇشىن جويۋدى جانە قايتا قاراۋدى ىسكە اسىرۋدا.
سونداي-اق «اتامەكەن» ۇكپ باسقارما ءتوراعاسىنىڭ ورىنباسارى مالىك ساۋلەباي، اۋىل شارۋاشىلىعى ءمينيسترى ەربول قاراشوكەيەۆ، ەنەرگەتيكا ءمينيسترى الماسادام ساتقالييەۆ، يندۋستريا جانە ينفراقۇرىلىمدىق دامۋ ۆيسە-مينيسترى دينارا ششەگلوۆا اتقارىلىپ جاتقان جۇمىستارعا توقتالدى.
پرەمەر-مينيستر رەتتەۋشى تالاپتاردىڭ كۇشىن جويۋعا نەمەسە ولاردى قايتا قاراۋعا باعىتتالعان زاڭعا تاۋەلدى اكتىلەر بويىنشا ءتيىستى جۇمىستار جۇرگىزىلگەنىن اتاپ ءوتتى: 625 قۇقىقتىق اكتىنىڭ 513ء-ى قابىلداندى. سونىمەن قاتار 112 قۇقىقتىق اكتى بويىنشا جۇمىس ءجۇرىپ جاتىر.
وسى ورايدا ءاليحان سمايىلوۆ اۋىل شارۋاشىلىعى، ەنەرگەتيكا، يندۋستريا جانە ينفراقۇرىلىمدىق دامۋ مينيسترلىكتەرىنە اتالعان جۇمىستى 30 ماۋسىمعا دەيىن اياقتاۋدى تاپسىردى.
«سالالىق بۇيرىقتار بەلگىلەنگەن مەرزىمدە قابىلدانباعان جاعدايدا، ۇكىمەت اپپاراتى ساياسي مەملەكەتتىك قىزمەتشىلەردى تارتىپتىك جاۋاپكەرشىلىككە تارتۋ تۋرالى ءتيىستى ۇسىنىمدار ەنگىزسىن»، - دەدى ول.
سونىمەن قاتار پرەمەر-مينيستر جاۋاپتى مەملەكەتتىك ورگاندارعا «اتامەكەن» ۇكپ-مەن بىرلەسىپ، كاسىپكەرلەرگە تۇسەتىن جۇكتەمەنى ايتارلىقتاي جەڭىلدەتەتىن بيزنەس ءۇشىن ەسەپ بەرۋدى قىسقارتۋ ماسەلەسىن ودان ءارى پىسىقتاۋدى تاپسىردى.
كۇن تارتىبىندەگى ەكىنشى ماسەلە اياسىندا بىلتىر بيزنەستى مەملەكەتتىك باقىلاۋدىڭ 35 باعىتىن اۆتوماتتاندىرۋ ءىسى اياقتالىپ، قازىرگى تاڭدا تاعى 35 باعىت بويىنشا جۇمىستار جۇرگىزىلىپ جاتقانى ايتىلدى.
ۇەم باسشىسى الىبەك قۋانتىروۆ اۆتوماتتى فۋنكسيونالدىعى بار Smart Data Ukimet پلاتفورماسى پايدالانۋعا دايىن ەكەنىن ايتتى. ول قازىرگى ۋاقىتتا جۇمىس اپروباسياسىنان وتۋدە. وسىلايشا، مەملەكەتتىك باقىلاۋ مەن قاداعالاۋدىڭ اۆتوماتتاندىرىلعان جۇيەسى 2024 جىلدان باستاپ ىسكە قوسىلادى.
پلاتفورمانى تەحنيكالىق باپتاۋ تۋرالى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين بايانداما جاسادى. سونداي-اق «اتامەكەن» ۇكپ باسقارما ءتوراعاسىنىڭ ورىنباسارى مالىك ساۋلەباي، اۋىل شارۋاشىلىعى ءمينيسترى ەربول قاراشوكەيەۆ، يندۋستريا جانە ينفراقۇرىلىمدىق دامۋ ۆيسە-مينيسترى دينارا ششەگلوۆا تاۋەكەلدەردى باسقارۋ جۇيەلەرىن (تبج) اۆتوماتتاندىرۋ ماسەلەلەرى بويىنشا ءوز پىكىرلەرىن ءبىلدىردى.
پرەمەر-مينيستر اۋىل شارۋاشىلىعى، يندۋستريا جانە ينفراقۇرىلىمدىق دامۋ مينيسترلىكتەرى وسى جىلدىڭ 30 ماۋسىمىنا دەيىن سالالىق تاۋەكەلدەردى باسقارۋ جۇيەسىنىڭ قابىلدانۋىن قامتاماسىز ەتۋى قاجەتتىگىن اتاپ ءوتتى.
«كەلەسى جىلدان باستاپ بارلىق تەكسەرۋلەر مەن باقىلاۋلار تاۋەكەلدەردى باسقارۋ جۇيەسى نەگىزىندە جۇزەگە اسىرىلۋى ءۇشىن بيىل مەملەكەتتىك باقىلاۋدى اۆتوماتتاندىرۋ بويىنشا جۇمىستى اياقتاۋىمىز كەرەك»، - دەپ تۇيىندەدى ءسوزىن ءاليحان سمايىلوۆ.