2023 جىلعى مامىردان جەلتوقسان ارالىعىندا كاسىپتىك بىلىكتىلىك جونىندەگى ۇلتتىق ورگان ۇلتتىق بىلىكتىلىك جۇيەسىن دامىتۋ شەڭبەرىندە جانە ەڭبەك رەسۋرستارى داعدىلارىن دامىتۋ ماسەلەلەرىندە كونسۋلتاسيالىق جانە ادىستەمەلىك قولداۋ بويىنشا 20 سەمينار وتكىزدى.
بىلىكتىلىكتى تانۋ ءۇشىن كاسىپتەر ءتىزىلىمى قۇرىلدى. وتكەن جىلى 219 كاسىپتىك ستاندارت وزەكتەندىرىلدى، قوسىمشا 47 ازىرلەنىپ، بەكىتىلدى، دەپ حابارلايدى Almaty-akshamy.kz.وقۋ،
بارلىعى مەملەكەتتىك ورگاندار، «اتامەكەن» وداعى» ۇكپ، قوعامدىق جانە سالالىق كەڭەستەر، قاۋىمداستىقتار، زتب، جۇمىس بەرۋشىلەر، كاسىپوداقتار، كاسىپتىك بىلىكتىلىكتى تانۋ ورتالىقتارى مەن ءبىلىم بەرۋ ۇيىمدارى وكىلدەرىنەن 1 198 ادام وقىتۋدان ءوتتى.
اتالعان جۇمىس كادرلار دايارلاۋ مەن ەڭبەك نارىعىنىڭ بايلانىسىن قامتاماسىز ەتۋ، كاسىپتىك بىلىكتىلىكتى تانۋ جۇيەسىن ەنگىزۋ، قازاقستان ازاماتتارىنىڭ كاسىپتىك موبيلدىلىگى مەن جۇمىسقا ورنالاسۋ دەڭگەيىن ارتتىرۋ شەڭبەرىندە جۇرگىزىلەدى.
بۇدان باسقا، وسى باعىتتى ىسكە اسىرۋ ءۇشىن كبۇو كومەگىمەن 2023 جىلى 18 مەملەكەتتىك ورگاننىڭ جانىنان 42 سالالىق كاسىپتىك بىلىكتىلىك كەڭەسى قۇرىلدى، ونىڭ قۇرامىنا 700-دەن استام ادام كىردى، ونىڭ 50 %-ى جۇمىس بەرۋشىلەر مەن قاۋىمداستىقتاردىڭ وكىلدەرى.
«كبۇو قۇرىلعان ساتتەن باستاپ تۇراقتى نەگىزدە وتىرىستار وتكىزىلىپ، وندا اعىمداعى مىندەتتەر مەن كاسىپتىك ستاندارتتاردى، سالالىق بىلىكتىلىك شەڭبەرلەرىن وزەكتەندىرۋ جانە ازىرلەۋ، كاسىپتىك بىلىكتىلىكتى تانۋدى ەنگىزۋ جانە ت.ب. ماسەلەلەرىن شەشۋ جولدارى تالقىلانىپ، ىزدەستىرىلۋدە»، – دەپ ءبولىستى كبۇو باسشىسى ەراسىل جۇمانبايەۆ.
سونداي-اق، جۇمىس ىزدەۋشىلەر مەن جۇمىس بەرۋشىلەردىڭ بىلىكتىلىكتى تانۋ بويىنشا قىزمەتتەردى الۋ ىڭعايلىلىعىن قامتاماسىز ەتۋ ماقساتىندا ۇبج سيفرلىق پلاتفورماسىندا كاسىپتىك بىلىكتىلىكتى تانۋ ورتالىقتارىن اككرەديتتەۋ فۋنكسيونالى ىسكە قوسىلدى.
ازاماتتارعا كاسىپتىك بىلىكتىلىكتى تانۋ جۇزەگە اسىرىلاتىن كاسىپتەر تۋرالى دۇرىس اقپارات بەرۋ ءۇشىن ۇبج سيفرلىق پلاتفورماسىندا كاسىپتەر ءتىزىلىمى قالىپتاستىرىلىپ، ورنالاستىرىلدى. وعان 513 ماماندىق ەنگىزىلدى، ونىڭ 136-سى بويىنشا بىلىكتىلىكتى تانۋ مىندەتتى نەگىزدە جانە 377ء-سى ەرىكتى نەگىزدە جۇزەگە اسىرىلادى.
سونىمەن قاتار ۇبج پلاتفورماسىنىڭ ماڭىزدى باعىتتارىنىڭ ءبىرى – جاساندى ينتەللەكتتى ەنگىزۋ ارقىلى ۇبج پلاتفورماسىندا ءبىلىم بەرۋ باعدارلامالارىنىڭ ءتىزىلىمىن قالىپتاستىرۋ ءۇشىن وقۋ-اعارتۋ، عىلىم جانە جوعارى ءبىلىم مينيسترلىكتەرىنىڭ اقپاراتتىق جۇيەلەرىمەن ينتەگراسيالانۋى. بۇل ءوز كەزەگىندە كاسىپتىك ستاندارتتارداعى وزگەرىستەرگە نەعۇرلىم جەدەل دەن قويۋعا جانە ولاردى ءبىلىم بەرۋ باعدارلامالارىنا بەيىمدەۋگە مۇمكىندىك بەرەدى.
وتكەن جىلى مەملەكەتتىك ورگاندار 1 329 كاسىپتى قامتي وتىرىپ، 219 كاسىپتىك ستاندارتتى وزەكتەندىردى، 148 كاسىپتى قامتي وتىرىپ، 47 كاسىپتىك ستاندارت ازىرلەنىپ، بەكىتىلدى. كبۇو 223 كاسىپتىك ستاندارت جوباسى بويىنشا وڭ قورىتىندى بەردى، ال 232 كاسىپتىك ستاندارت مەملەكەتتىك ورگانداردا جاسالۋ بارىسىندا.