مەملەكەتتىك اۋديت وبەكتىلەرىنىڭ 2023 جىلعا ارنالعان تىزبەسى قالىپتاستىرىلدى
ق ر جوعارى اۋديتورلىق پالاتاسىنىڭ ءتوراعاسى ناتاليا گودۋنوۆا 2023 جىلى ەلىمىزدە قانداي سالالارعا مەملەكەتتىك اۋديت جۇرگىزىلەتىندىگىن اتادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ق ر جوعارى اۋديتورلىق پالاتاسى سىزدەردىڭ كۆازيمەملەكەتتىك سەكتور سۋبەكتىلەرىنىڭ قاراجاتىن ەكىنشى دەڭگەيدەگى بانكتەردەگى دەپوزيتتىك شوتتارعا ورنالاستىرۋ تيىمدىلىگىنە اۋديت، كۆازيمەملەكەتتىك سەكتور سۋبەكتىلەرىنىڭ وتىمدىلىگىن ەدب باسقارۋىنىڭ الەۋمەتتىك-ەكونوميكالىق سالدارىنا جانە مۇنداي باسقارۋدىڭ بانكتىك كرەديتتەۋ نارىعىنىڭ جاعدايىنا ىقپال ەتۋىنە اۋديت جانە تالداۋ جۇرگىزۋگە، وتىمدىلىكتى باسقارۋدىڭ قولدانىستاعى مودەلىن جانە مەملەكەتتىڭ ۇلتتىق قاۋىپسىزدىگىن قامتاماسىز ەتۋدى باعالاۋعا قاتىستى جولدانىمدارىڭىزدى قاراپ، مىنانى حابارلايدى. سىزدەر قوزعاپ وتىرعان ۇلتتىق ەكونوميكاعا ينۆەستيسيا سالۋدىڭ ىشكى قاينار كوزدەرىن ىزدەۋ قاجەتتىگى تۋرالى ماسەلەلەر اسا وزەكتى جانە جوعارى اۋديتورلىق پالاتانىڭ ماتەريالدارىندا جانە اۋديتتەرىنىڭ قورىتىندىلارىندا ۇدايى كوتەرىلەدى»، - دەلىنگەن پالاتا ءتوراعاسىنىڭ ءماجىلىس دەپۋتاتتارى ساۋالىنا بەرگەن جاۋابىندا.
ونىڭ اتاپ وتۋىنشە، تيىمدىلىك اۋديتتەرىن قالىپتاستىرۋ «مەملەكەتتىك اۋديت جانە قارجىلىق باقىلاۋ تۋرالى» زاڭنىڭ 18-بابىنا سايكەس جوسپارلى نەگىزدە جۇرگىزىلەدى. وسىلايشا، جوعارى اۋديتورلىق پالاتا مەملەكەتتىك ءاۋديتتى تاۋەكەلدەردى باسقارۋ جۇيەسىن قولدانۋ نەگىزىندە قالىپتاستىرىلعان مەملەكەتتىك اۋديت وبەكتىلەرىنىڭ ءتيىستى جىلعا ارنالعان تىزبەسىنە سايكەس جۇزەگە اسىرادى. مەملەكەتتىك اۋديت وبەكتىلەرىنىڭ 2023 جىلعا ارنالعان تىزبەسى قازاقستان رەسپۋبليكاسى پارلامەنتىنىڭ دەپۋتتارى مەن قوعام كوتەرگەن اسا وزەكتى ماسەلەلەردى ەسەپكە الا وتىرىپ قالىپتاستىرىلدى.
«بارلىعى 9 اۋديت توبىنىڭ بولۋىنا بايلانىستى مەملەكەتتىك اۋديت وبەكتىلەرىنىڭ 2023 جىلعا ارنالعان تىزبەسىنىڭ جوباسىنا تولىقتىرۋ ەنگىزۋ مۇمكىن بولماي وتىر. بۇدان بولەك، 2023 جىلعا ارنالعان جۇمىس جوسپارىنىڭ 28 پايىزى مەملەكەت باسشىسىنىڭ جانە ونىڭ اكىمشىلىگىنىڭ تاپسىرمالارى بويىنشا جۇرگىزىلەتىن اۋديتتەرگە تيەسىلى. قازىرگى ۋاقىتتا تىزبەدە 2023 جىلى جىلۋ ەنەرگەتيكاسىنىڭ، ورتا ءبىلىم بەرۋ مەن دەنساۋلىق ساقتاۋداعى، اۆتوموبيل جانە اۋىل شارۋاشىلىعى ماشينالارىن جاساۋداعى، كوشى-قونداعى مەملەكەتتىك-جەكەشەلىك ارىپتەستىك جوبالارىنىڭ، قورعانىس قابىلەتتىلىگى مەن اسكەري قاۋىپسىزدىكتىڭ تيىمدىلىگىنە اۋديتتەر، سونداي-اق مەملەكەت باسشىسىنىڭ تاپسىرمالارىنا سايكەس ءبىرقاتار جەدەل اۋديتتەر جۇرگىزۋ جوسپارلانعان»، - دەدى ناتاليا گودۋنوۆا.