2023 جىلى مەملەكەتتىك الەۋمەتتىك ساقتاندىرۋ قورىنان شامامەن 1،3 ملن قازاقستاندىق 750،7 ملرد تەڭگە سوماسىنا الەۋمەتتىك تولەمدەر الدى، بۇل 2022 جىلمەن سالىستىرعاندا 70%-عا كوپ.
ەڭبەككە قابىلەتتىلىكتەن ايىرىلعان جاعدايدا تولەنەتىن الەۋمەتتىك تولەم بيۋدجەت قاراجاتى ەسەبىنەن مۇگەدەكتىگى بويىنشا مەملەكەتتىك الەۋمەتتىك جاردەماقىعا قوسىمشا تاعايىندالادى. ماسق-تەن تولەم مەديسينالىق-الەۋمەتتىك ساراپتامادا بەلگىلەنگەن 30%-دان 100%-عا دەيىنگى دارەجەدە جانە ەڭبەك قىزمەتىن جالعاستىرۋىنا قاراماستان جالپى ەڭبەككە قابىلەتتىلىگىن جوعالتۋ كەزەڭىندە جۇزەگە اسىرىلادى، دەپ حابارلايدى Almaty-akshamy.kz سالا مينيسترلىگىنە سىلتەمە جاساپ.
2023 جىلى اتالعان تولەمدى 38،7 ملرد تەڭگە سوماسىنا 100 مىڭنان استام ادام الدى، بۇل 2022 جىلمەن سالىستىرعاندا 27%-عا كوپ. بەلگىلەنگەن تولەمنىڭ اي سايىنعى ورتاشا مولشەرى 47 445 تەڭگەنى قۇرادى.
اسىراۋشىسىنان ايىرىلعان جاعدايدا تولەنەتىن الەۋمەتتىك تولەم مىندەتتى الەۋمەتتىك ساقتاندىرۋ جۇيەسىنە قاتىسۋشىنىڭ اسىراۋىندا بولعان ادامدارعا بيۋدجەت قاراجاتى ەسەبىنەن تولەنەتىن اسىراۋشىسىنان ايىرىلۋى بويىنشا مەملەكەتتىك الەۋمەتتىك جاردەماقىسىنا قوسىمشا تاعايىندالادى. ماسق-تەن تولەم اسىراۋىنداعى ادامدار 18 جاسقا تولعانعا دەيىن، ال كۇندىزگى وقۋ نىسانىندا وقىعان جاعدايدا 23 جاسقا دەيىن تولەنەدى.
وتكەن جىلى اتالعان تولەم اسىراۋشىسىنان ايىرىلعان 64،3 مىڭ وتباسىعا 26،8 ملرد تەڭگە سوماسىندا بەرىلدى، بۇل 2022 جىلعى سومامەن سالىستىرعاندا 26%-عا ارتىق. بەلگىلەنگەن تولەمنىڭ اي سايىنعى ورتاشا مولشەرى 51 574 تەڭگەنى قۇرادى.
جۇمىسىنان ايىرىلعان جاعدايدا تولەنەتىن الەۋمەتتىك تولەم الەۋمەتتىك ساقتاندىرۋ جۇيەسىنە قاتىسۋشىعا ونىڭ جۇمىستان شىعارىلۋ سەبەبىنە قاراماستان تاعايىندالادى. نەگىزگى شارت – جۇمىسسىز رەتىندە تىركەلۋ. تولەم جۇيەگە قاتىسۋ وتىلىنە بايلانىستى 1 ايدان 6 ايعا دەيىن جۇزەگە اسىرىلادى. تولەم مولشەرى 2023 جىلعى 1 قاڭتاردا 40%-دان 45%-عا دەيىن ۇلعايتىلعان جۇمىسسىز رەتىندە تىركەلۋ الدىنداعى سوڭعى 2 جىل ىشىندە ءماسق-عا الەۋمەتتىك اۋدارىمدار جۇرگىزىلگەن ورتاشا ايلىق تابىسقا، جۇيەگە قاتىسۋ وتىلىنە جانە تابىستى الماستىرۋ كوەففيسيەنتىنە بايلانىستى بولادى.
2023 جىلى بۇل تولەم 49،9 ملرد تەڭگە سوماسىندا تولەنىپ، ونى 224،1 مىڭ ادام الدى، بۇل 2022 جىلعى الۋشىلار سانىنان 2 ەسە ارتىق. ءوسىم وتباسىنىڭ سيفرلىق كارتاسىن ەنگىزۋمەن بايلانىستى، ونىڭ شەڭبەرىندە جۇمىسىنان ايىرىلۋ بويىنشا تولەم پرواكتيۆتى تۇردە تاعايىندالادى، سونداي-اق ازاماتتاردان ەلەكتروندىق ۇكىمەت پەن ەلەكتروندىق ەڭبەك بيرجاسى پورتالدارى، سونداي-اق كەيبىر ەكىنشى دەڭگەيدەگى بانكتەردىڭ ءموبيلدى قوسىمشالارى ارقىلى تولەم جاساۋعا وتىنىشتەر بەرۋدىڭ ەلەكتروندىق نىسانىن تالاپ ەتۋمەن بايلانىستى. بەلگىلەنگەن تولەمنىڭ اي سايىنعى ورتاشا مولشەرى شامامەن 60 مىڭ تەڭگەنى قۇرادى.
جۇكتىلىككە جانە بوسانۋعا، جاڭا تۋعان بالانى (بالالاردى) اسىراپ الۋعا بايلانىستى تابىسىنان ايىرىلۋ جاعدايى بويىنشا الەۋمەتتىك تولەم جۇكتىلىك جانە بوسانۋ بويىنشا دەمالىستىڭ بارلىق كۇندەرىنە تاعايىندالادى. تولەم مولشەرى جۇكتىلىككە جانە بوسانۋعا بايلانىستى دەمالىس كۇنىنە دەيىنگى سوڭعى 12 ايدا ماسق-كە الەۋمەتتىك اۋدارىمدار جۇرگىزىلگەن ورتاشا ايلىق تابىسقا جانە ەڭبەككە جارامسىزدىق كۇندەرىنىڭ سانىنا بايلانىستى.
2023 جىلى بۇل ءبىرجولعى تولەمدى جالپى سوماسى 348،2 ملرد تەڭگەگە 287،5 مىڭ ادام الدى، بۇل 2022 جىلعى سومامەن سالىستىرعاندا شامامەن 2 ەسە كوپ. تاعايىندالعان تولەمنىڭ ورتاشا مولشەرى 1 244 813 تەڭگەنى قۇرادى.
ءبىر جارىم جاسقا دەيىنگى بالا كۇتىمىنە بايلانىستى تابىسىنان ايىرىلۋ جاعدايى بويىنشا اي سايىنعى الەۋمەتتىك تولەم بالانىڭ تۋعان كۇنىنەن باستاپ الەۋمەتتىك ساقتاندىرۋ جۇيەسىنە قاتىسۋشىعا تاعايىندالادى. تولەم مولشەرى سوڭعى 2 جىلدا ماسق-كە الەۋمەتتىك اۋدارىمدار جۇرگىزىلگەن ورتاشا ايلىق تابىستىڭ 40%-ىن قۇرايدى. ەكى جانە ودان دا كوپ بالا تۋعان كەزدە تولەم ءاربىر بالاعا جەكە تاعايىندالادى.
2023 جىلى بۇل تولەم 312،7 مىڭ ادامعا تاعايىندالدى، ونىڭ اي سايىنعى ورتاشا مولشەرى 68 957 تەڭگەنى قۇرادى. تولەم 287 ملرد تەڭگە سوماسىنا جۇرگىزىلدى، بۇل 2022 جىلمەن سالىستىرعاندا 67%-عا كوپ. كورسەتىلگەن تولەمنىڭ ءوسۋى 2023 جىلعى قاڭتاردان باستاپ تولەم كەزەڭىنىڭ ءبىر جىلدان ءبىر جارىم جىلعا دەيىن ۇلعايۋىمەن بايلانىستى.
وسىلايشا، مىندەتتى الەۋمەتتىك ساقتاندىرۋ جۇيەسىنە قاتىساتىن جۇمىس ىستەيتىن ازاماتتاردى الەۋمەتتىك قورعاۋ جۇمىس ىستەمەيتىندەرگە قاراعاندا الدەقايدا جوعارى.