2023 جىلعى 1 قاڭتاردان باستاپ جالاقىنى 10%-دان 70%-عا دەيىن ارتتىرۋ كوزدەلىپ وتىر
توتەنشە جاعدايلار ءمينيسترى يۋريي يلين 2023 جىلى جاس ءورت سوندىرۋشىلەر مەن قۇتقارۋشىلاردىڭ جالاقىسى ايتارلىقتاي وسەتىنىن ايتتى، دەپ حابارلايدى Almaty-akshamy.kz Halyq Uni-نە سىلتەمە جاساپ.
ونىڭ ايتۋىنشا، وسىدان 3 جىل بۇرىن جالاقىنى ارتتىرۋ ماسەلەسى كوتەرىلگەندە مينيسترلىك قىزمەتكەرلەرى 65 مىڭ تەڭگە العان.
"ءقازىر قىزمەتكە كەلگەن قىزمەتكەردىڭ ەڭ تومەنگى لاۋازىمدىق جالاقىسى شامامەن 110 مىڭ تەڭگە"، - دەدى يۋريي يلين ۇكىمەت وتىرىسان سوڭ.
ول جاس قىزمەتكەرلەردىڭ جالاقىسى كەلەسى جىلى ايتارلىقتاي وسەتىنىن وسى ورايدا اتاپ ءوتتى.
"2023 جىلعى 1 قاڭتاردان باستاپ جالاقىنى 10%-دان 70%-عا دەيىن ارتتىرۋ كوزدەلىپ وتىر. 70% دەگەندە، بۇل – قىزمەتتى ەندى باستاعان قاتارداعى قۇرامنىڭ جالاقىسى ماكسيمالدى وسەدى دەگەن ءسوز. ال 10% دەگەندە، باسشى قۇرام تۋرالى ايتىپ تۇرمىن. ولار – ءورت ءسوندىرۋ قىزمەتىنىڭ، توتەنشە جاعدايلار قىزمەتىنىڭ باسشىلارى"، - دەدى مينيستر.