سالىقتىق اكىمشىلىك تولىق قايتا جاڭارۋى ءتيىس.
2023 جىلى قازاقستاندا جاڭا سالىق كودەكسى ازىرلەنەدى. بۇل تۋرالى بۇگىن ق ر پارلامەنتى پالاتالارىنىڭ بىرلەسكەن وتىرىسىندا جولداۋىن جاريالاعان ق ر پرەزيدەنتى قاسىم-جومارت توقايەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ۇشىنشىدەن، ورنىقتى ەكونوميكالىق ءوسىم - تۇسىنىكتى، بولجامدى سالىق ساياساتىنا تىكەلەي تاۋەلدى. فيسكالدى رەتتەۋدى قايتا جۇرگىزۋ ماقساتىندا 2023 جىلى جاڭا سالىق كودەكسى ازىرلەنەدى. ونىڭ اۋقىمدى بولىگى – سالىقتىق اكىمشىلىك تولىق قايتا جاڭارۋى ءتيىس»، - دەدى پرەزيدەنت.
سونىمەن قاتار، مەملەكەت باسشىسى سالىقتىق باقىلاۋعا كەز كەلگەن سىرتتاي ارەكەتتەستىكتەردى تىيۋ قاجەتتىگىن اتاپ ءوتىپ، وسى باعىتتىڭ تولىق سيفرلاندىرۋىن قامتاماسىز ەتۋ كەرەكتىگىن ايتتى.