مينيسترلەر جاڭا جىبەك جولىن جانداندىرۋدىڭ جول كارتاسىن دايىنداۋعا كەلىستى.
تۇركى مەملەكەتتەرى ءتۋريزمدى دامىتۋدا بىرلەسە ارەكەت ەتۋى ءتيىس. جاڭا جىبەك جولىن جانداندىرۋ ءۇشىن باۋىرلاس ەلدەر اراسىنداعى بايلانىستى ارتتىرۋ ماڭىزدى، دەپ حابارلايدى Almaty-akshamy.kz
تۇركىتىلدەس ەلدەردىڭ 2022 جىلعى تۋريزم استاناسى بولىپ تاڭدالعان ءازىربايجاننىڭ شاماحي قالاسىندا وتكەن تۇركى مەملەكەتتەرى ۇيىمىنا مۇشە ەلدەردىڭ تۋريزم مينيسترلەرىنىڭ جيىنىنا قاتىسۋشىلار وسىنداي پىكىردە. وسىمەن جەتىنشى رەت كەزدەسىپ وتىرعان مينيسترلەر جاڭا جىبەك جولىن جانداندىرۋدىڭ جول كارتاسىن دايىنداۋعا كەلىستى.
جينالعاندار تۇركىتىلدەس ەلدەردىڭ تۋريزم الەۋەتى جوعارى ەكەنىن، بىرلەسە جۇمىس ىستەسە، سالاداعى تۇيتكىلدى ماسەلەلەردىڭ بارلىعىن شەشۋگە بولاتىنىن تىلگە تيەك ەتتى. مينيسترلەردىڭ كەلەسى باسقوسۋى 2023 جىلى قازاقستاندا وتەتىن بولدى.
"بۇگىنگى جيىنىمىز وتە مازمۇندى ءوتتى. ءتۋريزمدى دامىتۋعا قاتىستى ءبىرقاتار ماڭىزدى ماسەلەلەردى تالقىلادىق. ءتۋريزمدى جانداندىرۋ - تۇركى مەملەكەتتەرى ۇيىمى ءۇشىن باسىم باعىتتاردىڭ ءبىرى. سوندىقتان جاڭا جىبەك جولىن قايتا قۇرۋ ءۇشىن بۇگىنگى جيىندا تالقىلانعان جوبالاردى بىرلەسە جۇزەگە اسىرامىز دەگەن ۇمىتتەمىن"، - دەيدى تۇركى مەملەكەتتەرى ۇيىمى ءتوراعاسىنىڭ ورىنباسارى ميرۆوحيد ازيموۆ.