بۇل 2 مىڭنان استام جاڭا جۇمىس ورنىن اشۋعا مۇمكىندىك بەرەدى.
بيىل ەلورداعا 118 ميلليارد تەڭگەدەن استام ينۆەستيسيا قۇيىلادى. ناتيجەسىندە 30-عا جۋىق جوبا ىسكە قوسىلادى، دەپ حابارلايدى اlmaty-akshamy.kz.
بۇل تۋرالى استانا اكىمى جەڭىس قاسىمبەك Instagram جەلىسىندەگى پاراقشاسىندا ءمالىم ەتتى.
«ءبىز قالانىڭ دامۋىنا جەكە ينۆەستيسيا تارتىپ جاتىرمىز. بيىل 30-عا جۋىق جوبانى ىسكە قوسۋدى جوسپارلاپ وتىرمىز. جەكە ينۆەستيسيانىڭ جالپى كولەمى 118 ميلليارد تەڭگەدەن اسادى. ەكى مىڭنان استام جۇمىس ورنى اشىلادى. بۇل ونەركاسىپ، مەديسينا، اگروونەركاسىپتىك كەشەن سالالارىنداعى كاسىپورىندار، ءبىلىم سالاسىنداعى بەس نىسان (مەكتەپتەر، بالاباقشالار)، لوگيستيكا سالاسىنداعى ءتورت جوبا، سپورت كەشەندەرى»، - دەپ جازدى اكىم.
بۇگىن جەڭىس قاسىمبەك يندۋستريا جانە ينفراقۇرىلىمدىق دامۋ ءمينيسترى مارات قارابايەۆپەن بىرگە No1 يندۋستريالدى پاركتە بولىپ، ونداعى ءبىرقاتار كاسىپورىنداردىڭ جۇمىسىمەن تانىستى. ولاردىڭ قاتارىندا ModeX مودۋلدىك تۇرعىن ءۇي قۇرىلىسى زاۋىتى، مامانداندىرىلعان جابدىقتاردى قۇراستىرۋ زاۋىتى، ۆيتراجدار، تەرەزەلەر، مەديسينالىق جابدىقتار، جيھازدار، رەسپيراتورلار شىعاراتىن زاۋىت بار.