اقش-تىڭ لەيك-پلەسيد قالاسىندا 2023 جىلعى قىسقى ۋنيۆەرسيادا سالتاناتتى تۇردە اشىلدى.
ءدۇبىرلى دودادا ەل نامىسىن 78 سپورتشى قورعايدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ونىڭ ىشىندە شاڭعىمەن جارىسۋدان - 14، شورت-ترەكتەن - 12، بياتلوننان - 9، مانەرلەپ سىرعاناۋ مەن كونكيمەن جۇگىرۋدەن - 6، سنوۋبورد، تاۋ شاڭعىسى سپورتى، تۇعىردان سەكىرۋ مەن قوسسايىستان - 2، شايبالى حوككەيدەن 23 قازاقستاندىق ستۋدەنت جارىس جولىنا شىعادى.
قازىرگە دەيىن قازاقستاندىق سپورتشىلار بارلىعى 107 مەدالعا، سونىڭ ىشىندە 20 التىن، 40 كۇمىس، 47 قولا مەدالعا يە بولدى. بۇل جونىنەن جالپىكوماندالىق ەسەپتە 107 مەملەكەتتىڭ اراسىندا 35ء-شى ورىندا تۇر. كوش باسىندا اقش، جۇڭگو، رەسەي سپورتشىلارى كەلەدى.
ۋنيۆەرسيادا ويىندارىنىڭ تاريحى 1924 جىلدان باستاۋ الادى. ول 1959 جىلعا دەيىن بۇكىلالەمدىك ۋنيۆەرسيتەت ويىندارى اتالىپ كەلدى. سول جىلدان باستاپ ۋنيۆەرسيادا بولىپ تانىلدى. وعان قاتىسۋ تالاپتارى ەنگىزىلدى. ول بويىنشا 17 جاسقا تولعان جانە 28 جاستان اسپاعان جىگىتتەر مەن قىزدار اتالمىش ويىندارعا قاتىسۋعا مۇمكىندىك الادى.
ءدۇبىرلى دودانى تىكەلەي ەفيردە كورسەتۋ مىندەتىن «Qazsport» تەلەارناسى ءوز مىندەتىنە الىپ وتىر.