الماتى اۋداندارىنىڭ اۋماقتارىن دامىتۋ جانە اباتتاندىرۋ بويىنشا وتىنىمدەردى قابىلداۋ 1 قىركۇيەكتەن باستالىپ، اعىمداعى جىلدىڭ 20 قىركۇيەگىنە دەيىن جالعاسادى.
ساراپتامالىق كەڭەستەردىڭ باعالاۋىنان وتكەن جانە داۋىس بەرۋدە كوشباسشى بولعان جوبالاردى الماتى اۋداندىق اكىمدىكتەرى 2024 جىلى ىسكە اسىراتىن بولادى، دەپ حابارلايدى Almaty-akshamy.kz.
قالا تۇرعىندارىنىڭ باستامالارى ينتەرنەت-پورتال ارقىلى جىبەرىلۋى ءتيىس budget.open-almaty.kz جوبالىق ۇسىنىستىڭ اتاۋى مەن سيپاتتاماسىن، ورنالاسقان جەرىنىڭ مەكەن-جايىن، بولجامدى فوتوسۋرەتتى نەمەسە ەسكيزدى، جوبالىق ۇسىنىستىڭ سمەتاسىن (ينتەرنەت جەلىسىنەن شامامەن ەسەپتەۋلەر مەن مىسالدارعا جول بەرىلەدى) قامتيدى.
جوبالىق ۇسىنىستار كەلەسى كريتەرييلەرگە سايكەس كەلۋى كەرەك:
- ءبىر ءاۆتور-بىر ءوتىنىم-بىر وبەكت؛
- نىسان جالپى پايدالانۋدى قامتۋى كەرەك؛
- وبەكت ونى ىسكە اسىرۋ جوسپارلانىپ وتىرعان اۋدان اۋماعىندا، جالپى پايدالانىمداعى جەر ۋچاسكەسىندە ورنالاسۋى ءتيىس؛
- ءبىر جوبالىق ۇسىنىستىڭ قۇنى 86،2 ملن تەڭگەدەن اسپاۋى ءتيىس.
جوبالىق ۇسىنىستار توعىز سانات بويىنشا قابىلدانادى:
- كوگالداندىرۋ؛
- تروتۋارلاردى جايلاستىرۋ؛
- تروتۋارلاردى، پاندۋستاردى، ارىقتاردى سالۋ جانە جوندەۋ؛
- جالپىعا ورتاق پايدالانىلاتىن ورىنداردى (ساياباقتار، سكۆەرلەر، جاياۋ جۇرگىنشىلەر ايماقتارى، كوشەلەر جانە وزگە دە وبەكتىلەر)قۇرۋ، جوندەۋ جانە جارىقتاندىرۋ؛
- جيەكتەردى، توسەنىشتەردى، تىرەۋ قابىرعالارىن جوندەۋ؛
- پوليگونداردى جويۋ؛
- بالالار ويىندارى مەن ەرەسەكتەردىڭ دەمالىسى ءۇشىن، جالپى پايدالانۋ ورىندارىندا بەسەدكالاردى، ورىندىقتاردى، ۋرنالاردى، جابدىقتار مەن كونسترۋكسيالاردى ورناتۋ جانە جوندەۋ؛
- اۋلا اۋماقتارىندا جانە جالپى پايدالانۋ ورىندارىندا سپورت الاڭدارىن (ترەناجەر الاڭدارى، فۋتبول، باسكەتبول، ۆولەيبول الاڭدارى)، بالالار ويىن الاڭدارىن ورناتۋ، جوندەۋ جانە جارىقتاندىرۋ؛
- سانيتاريانى قامتاماسىز ەتۋ.
وتىنىمدەردى قابىلداۋ مەرزىمى اياقتالعاننان كەيىن ساراپتامالىق كەڭەستەر مەن اۋداندىق اكىمدىكتەردىڭ وكىلدەرى كەلىپ تۇسكەن وتىنىمدەردى ولاردىڭ ساناتتاردا كوزدەلگەن «حالىق قاتىساتىن بيۋدجەت» تالاپتارى مەن ولشەمشارتتارىنا سايكەستىگى تۇرعىسىنان نوباي مەن بولجامدى سمەتانىڭ بولۋىنا باعالايدى.
قاراۋ ناتيجەلەرى بويىنشا ءاربىر ءوتىنىم ولاردىڭ ءۇش مارتەبەسىنىڭ ءبىرىن الادى: «داۋىس بەرۋگە جىبەرىلدى»، «پىسىقتاۋعا جىبەرىلدى» نەمەسە «قابىلدانبادى».
«حالىق قاتىساتىن بيۋدجەتتىڭ» بارلىق ەرەجەلەرىنە سايكەس رەسىمدەلگەن وتىنىمدەر ماقۇلدانادى جانە داۋىس بەرۋ كەزەڭىنە جىبەرىلەدى.
پىسىقتاۋعا باعىتتالعان جوبالىق ۇسىنىستاردىڭ اۆتورلارى وتىنىمدەردى قايتا قاراۋعا جىبەرۋگە مۇمكىندىك الادى. اۆتورلار ءوز ءوتىنىمىن پىسىقتاۋ قاجەتتىلىگى تۋرالى حابارلامانى budget.open-almaty.kz ينتەرنەت-پورتالدا تىركەۋ كەزىندە كورسەتىلگەن ەلەكتروندىق مەكەنجايعا جىبەرە الادى.
ايتا كەتەيىك، 2019-2022 جىلدار ارالىعىندا «حالىق قاتىساتىن بيۋدجەت» اياسىندا 14 ملرد تەڭگە سوماسىنا 541 جوبا ىسكە اسىرىلدى: 2020 ج. - 1.2 ملرد تەڭگەگە 49 جوبا؛ 2021 ج. - 5.4 ملرد تەڭگەگە 256 جوبا؛ 2022 ج. - 7.4 ملرد تەڭگەگە 236 جوبا. 2023 جىلى 52 جوبا ىسكە اسىرىلدى، قازىرگى ۋاقىتتا جۇمىستا 163 جوبا بار، جاقىن ارادا 162 جوبانى ىسكە اسىرۋ جوسپارلانۋدا. باعدارلامانى ىسكە اسىرۋعا 2023 جىلى 15،5 ملرد تەڭگە، سالىستىرۋ ءۇشىن 2022 جىلى - 8،5 ملرد تەڭگە، 2020 جىلى - 7،4 ملرد تەڭگە ءبولىندى.
داۋىس بەرۋگە جىبەرىلگەن جوبالار تۋرالى اقپارات budget.open-almaty.kz.پورتالىندا «جوبالار بويىنشا ماتەريالدار» بولىمىندە جاريالانادى.
«حالىق قاتىساتىن بيۋدجەت» جوباسى بويىنشا سۇراقتار تۋىنداعان جاعدايدا كەڭەس الۋ ءۇشىن الماتى قالاسىنىڭ اۋداندىق اكىمدىكتەرىنە، سونداي-اق الماتى قالاسى اكىمدىگىنىڭ Open Almaty قوعامدىق قابىلداۋ بولمەسىنە تەلەفون ارقىلى حابارلاسۋعا بولادى +7 727 224 39 29 (ىشكى. 203، 127)، 1308.