جاڭا قازاقستاندى اۋىلدى جاڭعىرتۋدى باستايىق
قازاقستان فەرمەرلەرى قاۋىمداستىعىنىڭ باسقارما ءتوراعاسى جيگۋلي دايرابايەۆ كەلەر 2023 جىلدى «اۋىل جىلى» اتاۋدى ۇسىندى دەپ حابارلايدى Almaty-akshamy.kz Baq.kz-كە سىلتەمە جاساپ.
ونىڭ ايتۋىنشا، بۇل اتاۋ بۇعان دەيىن 2003 جىلى ۇسىنىلىعان.
«بۇرىن «كەلەشەگى جوق اۋىلدار» دەگەن اڭگىمە شىعىپ ەدى. مەنىڭشە، ول قاتە ءۇردىس. وتكەن اپتادا مەملەكەت باسشىسى قاسىم- جومارت توقايەۆ كاسىپكەرلەرمەن كەزدەسۋ وتكىزدى. ول كەزدەسۋگە مەن دە قاتىستىم. مەن پرەزيدەنتكە ءوز ۇسىنىسىمدى ايتتىم. ءبىز 2003 جىلى «اۋىل جىلى» دەگەن جوسپار قۇرعانبىز. سودان بەرى كەلەر 2023 جىلى 20 جىل تولايىن دەپ وتىر. وسىعان وراي فەرمەرلەردىڭ اتىنان قاسىم-جومارت كەمەلۇلىنا ۇسىنىس جاسادىم. مۇمكىندىك بولسا 2023 جىلدى «اۋىل جىلى» دەپ قايتا باستاما كوتەرسەك، جاڭا قازاقستاندى اۋىلدى جاڭعىرتۋدى باستاساق دەگەن ويلارىمىز بار»، - دەدى جيگۋلي دايرابايەۆ.
فەرمەر قاۋىمداستىعىنىڭ سوزىنشە، ەل بويىنشا 200 ملن گەكتار جايىلىم جەر بار.
«بۇگىندە 22 ملن گەكتاردان استام ەگىستىك جەر ەگەمىز ونىڭ ىشىندە 2،5 گەكتار جەرى سۋارمالى جەرلەر. دەگەنمەن، ازىق-تۇلىكتىڭ كوبىن سىرتتان الىپ كەلىپ وتىرمىز. ءبارىن جامان دەپ ايتۋدان اۋلاقپىز. سوندا دا اۋىل شارۋاشىلىعىندا از-كەم كەمشىلىكتەر بار. الايدا، اۋىل شارۋاشىلىعىن دامىتۋدا بىزدە پوتەنسيال وتە جوعارى ەكەنىن ايتقىم كەلەدى»، - دەدى ول.
سونىمەن قاتار دايرابايەۆ كەلەر ايداعى رەفەرەندۋمعا ءبارىمىز ءبىر كىسدەي ات سالىسىپ، بىرلىگىمىزدى كورسەتۋىمىز كەرەك ەكەنىن اتاپ ءوتتى.
بۇعان دەيىن جيگۋلي دايرابايەۆ رەفەرەندۋمنىڭ ماڭىزىن ءار قازاقستاندىق جەتە ءتۇسىنۋى قاجەت ەكەنىن ايتقان ەدى.