بۇل تۋرالى الماتى قالاسىنىڭ ەڭبەك جانە الەۋمەتتىك قورعاۋ دەپارتامەنتى باسشىسىنىڭ ورىنباسارى اسقار ايماعامبەتوۆ ايتتى.
ءبىرىنشى، ەكىنشى جانە ءۇشىنشى بالا تۋعان كەزدە 131 100 تگ (38 اەك)؛ ءتورتىنشى جانە ودان دا كوپ بالاعا 217 350 تگ (63 اەك) تولەنەدى، دەپ حابارلايدى Almaty-akshamy.kz
ق ر پرەزيدەنتى تاپسىرعانداي، اتا-انالار بالالارىنىڭ ەڭ ماڭىزدى كەزەڭى - ءسابي كەزىندە ولاردىڭ جانىندا ۇزاعىراق بولا الادى.
ال ەگەر ەگىز (ۇشەم جانە ت.ب.) تۋعان جاعدايدا ءبىرجولعى تۋۋ جاردەماقىسى ءار بالاعا تولەنەدى جانە ونىڭ مولشەرى تۋۋ تارتىبىنە بايلانىستى.
اسقار ايماعامبەتوۆ مەملەكەت باسشىسى 2022 جىلعى قىركۇيەكتە قازاقستان حالقىنا جولداۋىندا بالا كۇتىمى بويىنشا جاردەماقى تولەۋ مەرزىمىن ۇلعايتۋدى تاپسىرعانىن ەسكە سالدى. 2023 جىلعى قاڭتاردان باستاپ قازاقستاندا بالا كۇتىمى بويىنشا جاردەماقى تولەۋ مەرزىمى 1،5 جاسقا تولعانعا دەيىن ۇلعايدى (بۇرىن ءبىر جاسقا دەيىن تولەنگەن)، ول مىنالاردى قۇرايتىن بولادى:
– ءبىرىنشى بالاعا – 19 872 تگ (5،76 اەك)؛
– ەكىنشى بالاعا – 23 495 تگ (6،81 اەك)؛
– ءۇشىنشى بالاعا – 27 083 تگ (7،85 اەك)؛
– ءتورتىنشى جانە ودان دا كوپ بالاعا – 30 705 تگ (8،9 اەك).
«جۇمىس ىستەيتىن انالارعا بالا كۇتىمىنە بايلانىستى ۇيىندە وتىرىپ تابىسىنان ايىرىلعان جاعدايدا تولەنەتىن اي سايىنعى الەۋمەتتىك تولەم دە مەملەكەتتىك الەۋمەتتىك ساقتاندىرۋ قورىنان 1،5 جىلعا دەيىن ۇزارتىلادى جانە ونىڭ مولشەرى بالا تۋعانعا دەيىنگى سوڭعى 24 ايدا الەۋمەتتىك اۋدارىمدار جۇرگىزىلگەن ورتاشا ايلىق تابىستىڭ 40%-ىن قۇرايدى»، - دەپ حابارلادى وكق سپيكەرى.
مۇگەدەك بالالاردى تاربيەلەپ وتىرعان اتا-انالارعا، قامقورشىلارعا مەملەكەتتىك جاردەماقى كد مولشەرىنەن 1،4 كولەمىندە تولەنەدى. 2023 جىلعى قاڭتاردان باستاپ بۇل جاردەماقىنىڭ مولشەرى 56 794 تەڭگەنى قۇرايدى.
I توپتاعى بالا كەزىنەن (ياعني 18 جاستان اسقان) مۇگەدەكتىگى بار ادامعا كۇتىم جاسايتىن ادامدارعا بەرىلەتىن جاردەماقىلار 2023 جىلعى قاڭتاردان باستاپ 56 794 تەڭگەنى (كد-نەن 1،4) قۇرايدى.
«التىن القا»، «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان، I جانە II دارەجەلى «انا داڭقى» وردەندەرىمەن ناگرادتالعان كوپ بالالى انالارعا بەرىلەتىن جاردەماقى مولشەرى 22 080 تەڭگەنى (6،4 اەك) قۇرادى.
وزىمەن بىرگە تۇراتىن ءتورت جانە ودان دا كوپ كامەلەتكە تولماعان بالالارى بار كوپ بالالى وتباسىلارعا 2023 جىلعى قاڭتاردان باستاپ تاعايىندالعان جاردەماقى مولشەرى:
– ءتورت بالاعا – 55 304 تگ (16،03 اەك)؛
– بەس بالاعا – 69 138 تگ (20،04)؛
– التى بالاعا – 82 973 تگ (24،05)؛
– جەتى بالاعا – 96 807 تگ (28،06)؛