پاندەمياعا دەيىنگى دەڭگەيگە ورالدى.
2021 جىلى قازاقستان ەكونوميكاسى 4،1%-عا ءوستى. بۇل كورسەتكىش قازاقستان ەكونوميكاسى پاندەمياعا دەيىنگى دەڭگەيگە ورالعانىن كورسەتەدى. بۇل تۋرالى ق ر ۇلتتىق بانكىنىڭ ءتوراعاسى عالىمجان ءپىرماتوۆ ايتتى، دەپ حابارلايدى Almaty-akshamy.kz ەgemen.kz cىلتەمە جاساپ.
«2021 جىلى الەمدىك ەكونوميكا پاندەمياعا دەيىنگى دەڭگەيگە قايتا ورالدى. جاھاندىق جالپى ىشكى ءونىمنىڭ ءوسۋى 6،1% قۇراپ، 40 جىلدان استام ۋاقىت ىشىندە ەڭ جوعارعى كورسەتكىشكە جەتتى. وتكەن جىلى قازاقستان ەكونوميكاسى دا 4،1%-عا ءوسىپ، پاندەمياعا دەيىنگى دەڭگەيگە ورالدى. الەمدىك ەكونوميكانىڭ تەز قالپىنا كەلۋى شامادان تىس سۇرانىسقا اكەپ سوقتىرىپ، شيكىزات، ماتەريالدار مەن ازىق-تۇلىك باعاسىنىڭ قىمباتتاۋىنا سەبەپشى بولدى. بۇل ەنەرگەتيكالىق داعدارىسپەن بىرگە الەمنىڭ كوپتەگەن ەلدەرىندە رەكوردتىق ينفلياسياعا اكەلدى»، - دەدى عالىمجان ءپىرماتوۆ سەناتتىڭ جالپى وتىرىسىندا.
ونىڭ ايتۋىنشا، سىرتقى فاكتورلارمەن قاتار جەكەلەگەن تاۋار نارىعىنداعى ىشكى تەڭگەرىمسىزدىك ەلدەگى ينفلياسيالىق قىسىمدى دا كۇشەيتتى.
«وتكەن جىلدىڭ ءبىرىنشى جارتىسىندا ينفلياسيالىق پروسەستەردىڭ تۇراقتانۋىنا قاراماستان، جىلدىڭ ورتاسىنان باستاپ ينفلياسيا ازىق-تۇلىك، شيكىزات پەن ماتەريالدار باعاسىنىڭ جالپى الەمدىك ترەندىنىڭ اياسىندا جەدەلدەي باستادى. جازعى كەزەڭدە كوكونىس نارىعىنداعى تەڭگەرىمسىزدىك، جانار-جاعارماي جانە رەتتەلەتىن قىزمەتتەر باعاسىنىڭ ءوسۋى – ىشكى پروينفلياسيالىق تريگگەرلەر بولدى. وسى جاعدايدا ۇلتتىق بانك ۇكىمەتپەن بىرلەسىپ، مەملەكەت باسشىسىنىڭ تاپسىرماسىنا سايكەس، ينفلياسيانى 8،5% شەگىندە ۇستاپ تۇرۋ بويىنشا شارالار قابىلدادى»، - دەپ تۇيىندەدى ۇلتتىق بانك ءتوراعاسى.