كوبىنەسە مۇنداي قۇقىقبۇزۋشىلىقتار تۇركىستان مەن اتىراۋ وبلىستارىندا، سونداي-اق شىمكەنت قالاسىندا ورىن العان.
2021 جىلعى قاڭتار-جەلتوقساندا قازاقستان رەسپۋبليكاسىندا ەكسترەميزم مەن تەرروريزمگە قاتىستى 192 قىلمىستىق قۇقىقبۇزۋشىلىق تىركەلدى، بۇل ءبىر جىل بۇرىنعىدان 7،7%-عا از، دەپ حابارلايدى Almaty-akshamy.kz ەnergyprom.kz سايتىنا سىلتەمە جاساپ.
سالىستىرۋ ءۇشىن: 2020 جىلدىڭ وسى كەزەڭىندە بۇل سالاداعى قۇقىقبۇزۋشىلىقتار سانى 208 جاعدايدى قۇراپ، جىلىنا 10،7%-عا ازايعان. قۇقىقبۇزۋشىلىق سانى بەسىنشى جىل قاتارىنان ازايىپ كەلەدى.
وڭىرلىك تۇرعىدا ەكسترەميزم مەن تەرروريزمگە قاتىستى قۇقىق بۇزۋشىلىقتاردىڭ ەڭ كوبى تۇركىستان وبلىسىنا تيەسىلى: وسى ايماقتا 2021 جىلدىڭ 12 ايىندا 23 قۇقىقبۇزۋشىلىق بولعان، بۇل ءبىر جىل بۇرىنعىدان 23،3%-عا از. بۇل سالاداعى قۇقىقبۇزۋشىلىقتان كوش باستاۋشىلار قاتارىن اتىراۋ وبلىسى مەن شىمكەنت تە تولىقتىرىپ تۇر: ءار وبلىستا 21 ىستەن تىركەلگەن.
مۇنداي قۇقىقبۇزۋشىلىقتاردىڭ ەڭ ازى قوستاناي وبلىسىندا (بار بولعانى 1 جاعداي) جانە شىعىس قازاقستان وبلىسىندا مۇنداي جاعدايلار مۇلدە تىركەلمەگەن.
كوبىنەسە مۇنداي بۇزۋشىلىقتاردىڭ ىشىندە تەرروريزمدى ناسيحاتتاۋ نەمەسە تەرروريزم اكتىسىن جاساۋعا جاريا شاقىرۋ فاكتىلەرى تىركەلەدى: ءدال وسىنداي 61 قۇقىقبۇزۋشىلىق تىركەلىپتى.
«الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني ارازدىقتى قوزدىرۋ» بابى بويىنشا تاعى 58 ءىس جانە «سوت شەشىمىنەن كەيىن قوعامدىق نەمەسە ءدىني بىرلەستىك نەمەسە وزگە دە ۇيىمدى ۇيىمداستىرۋ جانە ەكسترەميزمدى نەمەسە تەرروريزمدى جۇزەگە اسىرۋىنا بايلانىستى ولاردىڭ قىزمەتىنە تىيىم سالۋعا نەمەسە تاراتۋ بابىنا قاتىستى 50 ءىس تىركەلگەن.
قازاقستان رەسپۋبليكاسىندا جاسالعان بارلىق قۇقىقبۇزۋشىلىقتاردىڭ 88%-ى وسى ءۇش «تانىمال» باپ بويىنشا ەكەن.
