شالعاي اۋىلداردىڭ 90 مىڭنان استام تۇرعىنى مەديسينالىق قىزمەتپەن قامتىلادى.
دەنساۋلىق ساقتاۋ مينيسترلىگى مەن «Samruk-Kazyna Trust» كق «مەديسينالىق پويىزدار» جوباسى شەڭبەرىندە جاۋاپكەرشىلىكتى كۇشەيتۋ جانە ءوزارا ءىس-قيمىلدى نىعايتۋ بويىنشا ىنتىماقتاستىق تۋرالى مەموراندۋمعا قول قويدى، دەپ حابارلايدى Almaty-akshamy.kz دەنساۋلىق ساقتاۋ مينيسترلىگىنە سىلتەمە جاساپ.
«جاردەم» مامانداندىرىلعان مەديسينالىق پويىزى تۇرعىنداردى بىلىكتى تەگىن مەديسينالىق كومەكپەن قامتاماسىز ەتۋ ماقساتىندا اعىمداعى جىلدىڭ 20 ساۋىرىندە شالعايداعى اۋىلدار مەن ستانسيالارىنا جۇرە باستايدى.
«مەملەكەت باسشىسىنىڭ تاپسىرماسىن ىسكە اسىرۋ شەڭبەرىندە شالعايداعى اۋىل تۇرعىندارىنا مەديسينالىق كومەكتىڭ قولجەتىمدىلىگىن جاقسارتۋ ءۇشىن كولىك مەديسيناسى ۇيىمداستىرىلدى.
مەديسينالىق پويىز اۋىل تۇرعىندارىنا مەديسينالىق زەرتتەپ-قاراۋلاردىڭ، دياگنوستيكالىق قىزمەتتەردىڭ، ارنايى مامانداردىڭ كەڭ اۋقىمىنا قول جەتكىزۋگە مۇمكىندىك بەرەدى جانە ەمدەۋگە جاتقىزۋعا جولداما الا الادى»، - دەپ اتاپ ءوتتى دەنساۋلىق ساقتاۋ ءمينيسترى.
الدىن الا بيىل پروفيلاكتيكالىق قاراپ-تەكسەرۋلەردى، سكرينينگتىك زەرتتەۋلەردى، دارىلىك زاتتارمەن قامتاماسىز ەتۋدى، بەيىندى مامانداردىڭ كونسۋلتاسيالارىن، زەرتحانالىق-دياگنوستيكالىق قىزمەتتەردى، ەكگ، ۋدز، فليۋروگرافيانى قوسا العاندا، 1 ملن مەديسينالىق قىزمەت كورسەتۋ جوسپارلانۋدا.
ءوز باعىتى شەڭبەرىندە مەديسينالىق پويىز 140 ستانسياعا بارادى، وندا 92 مىڭنان استام ادام زەرتتەلىپ-قارالىپ، ەمدەلەتىن بولادى، دارىگەرلەر 100 مىڭنان استام قابىلداۋ وتكىزەدى.
سۋ تاسقىنى جاعدايىن ەسكەرە وتىرىپ، زارداپ شەككەن اۋىلدىق ەلدى مەكەندەردىڭ تۇرعىندارى مەديسينالىق پويىز قىزمەتتەرىمەن قامتىلاتىن بولادى.