2 تامىزعا جاسالعان كۇن رايى بولجامى

كاسىپورىننىڭ دەرەكتەرىنە قاراعاندا اتموسفەرالىق فرونتالدى بولىكتەر قازاقستاننىڭ باسىم بولىگىندە كۇننىڭ قۇبىلىپ تۇرۋىنا ىقپال ەتەدى، ياعني نايزاعاي ويناپ، جاڭبىر جاۋادى دەپ كۇتىلۋدە.

 تەك ەلدىڭ باتىسىندا، وڭتۇستىگىندە، شىعىسىندا كۇن جاۋىن-شاشىنسىز بولادى. رەسپۋبليكا بويىنشا جەل كۇشەيەدى، ەلدىڭ سولتۇستىگىندە تۇندە جانە تاڭەرتەڭ تۇمان تۇسەدى، دەپ حابارلايدى aqshamnews.kz.

كۇندىز الماتى، اتىراۋ، قىزىلوردا، پاۆلودار، شىعىس قازاقستان، جامبىل، جەتىسۋ، ۇلىتاۋ، اباي وبلىستارىندا، قاراعاندى وبلىسىنىڭ وڭتۇستىگىندە، تۇركىستان وبلىسىنىڭ ءشولدى اۋداندارىندا كۇن قاتتى ىسيدى.

جامبىل، الماتى، قاراعاندى، ۇلىتاۋ، جەتىسۋ، اباي وبلىستارىندا، اقتوبە وبلىسىنىڭ وڭتۇستىك-شىعىسىندا، وڭتۇستىگىندە، شىعىس قازاقستان وبلىسىنىڭ سولتۇستىگىندە، وڭتۇستىگىندە، ورتالىعىندا، پاۆلودار وبلىسىنىڭ وڭتۇستىك جارتىسىندا، اقمولا وبلىسىنىڭ وڭتۇستىگىندە، شىعىسىندا جوعارى ءورت ءقاۋپى ساقتالادى.

ماڭعىستاۋ، قىزىلوردا تۇركىستان، اتىراۋ وبلىسىنىڭ وڭتۇستىك-باتىسىندا، وڭتۇستىك-شىعىسىندا، قوستاناي وبلىسىنىڭ وڭتۇستىگىندە، الماتى وبلىسىنىڭ باتىسىندا، ورتالىعىندا، ۇلىتاۋ وبلىسىنىڭ باتىسىندا، جەتىسۋ وبلىسىنىڭ وڭتۇستىك-شىعىسىندا، جامبىل وبلىسىنىڭ سولتۇستىك-باتىسىندا، وڭتۇستىك-شىعىسىندا، اباي وبلىسىنىڭ وڭتۇستىگىندە، ورتالىعىندا توتەنشە ءورت ءقاۋپى ساقتالادى.