الەۋمەتتىك ماڭىزى بار ازىقتىڭ كوبى قىمباتتاپ كەتكەن.
ولجاس بەكتەنوۆ قازاقستاندا ينفلياسيانى ودان ءارى تومەندەتۋدىڭ ماڭىزىن اتاپ ءوتتى، دەپ حابارلايدى Almaty-akshamy.kz
– 2 ايدىڭ قورىتىندىسى بويىنشا ينفلياسيا جىلدىق ماندە باياۋلاپ، 9،3%-دى قۇرادى. بۇل رەتتە ونى 8% دالىزىندە ۇستاپ تۇرۋ مىندەتى تۇر.
– كۇرىش، جۇمىرتقا، جەمىستەر، سۋسىندار، سارى ماي جانە ماكارون ونىمدەرىنىڭ باعاسى قىمباتتاعان.
«كورىپ وتىرعانىمىزداي، باعاسى ءوسىپ كەتكەن پوزيسيالاردىڭ سانى ەداۋىر كوپ. دەمەك بۇل ورتالىق جانە جەرگىلىكتى اتقارۋشى ورگاندار تاراپىنان قابىلدانىپ جاتقان شارالاردىڭ جەتكىلىكسىز ەكەنىن كورسەتەدى»، دەدى ۇكىمەت باسشىسى.
ۇكىمەت باسشىسىنىڭ ايتۋىنشا، وسى باعىتتاعى جۇمىستا تۇراقتاندىرۋ قورلارى، فورۆاردتىق كەلىسىمشارتتار، ءونىم قۇنىن ارزانداتۋدى سۋبسيديالاۋ، باعا تۇراقتىلىعىن قامتاماسىز ەتۋ بويىنشا ساۋدا سۋبەكتىلەرىمەن كەلىسىمدەر جاساۋ سياقتى پارمەندى تەتىكتەردى بەلسەندى پايدالانۋ كەرەك.
سونىمەن قاتار يمپورتقا تاۋەلدى ءونىم ءوندىرىسىن كەڭەيتۋ جانە الەۋمەتتىك ماڭىزى بار ازىق-تۇلىك تاۋارلارىن وندىرۋگە ارنالعان باسىم داقىلداردىڭ ەگىس القاپتارىن ۇلعايتۋ قاجەت.