الماتىدا جاۋىن-شاشىنسىز
19 قىركۇيەكتە قازاقستان اۋماعىنىڭ باسىم بولىگى سۋىق انتيسيكلوننىڭ ىقپالىندا بولادى، جاۋىن-شاشىنسىز اۋا رايى ساقتالادى، تۇندە ەلىمىزدىڭ سولتۇستىگىندە، ورتالىعىندا، شىعىسىندا ۇسىك كۇتىلەدى. اتموسفەرالىق فرونتتاردىڭ وتۋىنە بايلانىستى ەلىمىزدىڭ باتىسىندا، سولتۇستىك-باتىسىندا، وڭتۇستىك-شىعىستىڭ تاۋلى اۋداندارىندا نايزاعاي ويناپ، جاڭبىر جاۋادى. ەل بويىنشا ەكپىندى جەل، وڭتۇستىكتە – شاڭدى داۋىل، شىعىستا تۇندە جانە تاڭەرتەڭ تۇمان بولجانادى، دەپ حابارلايدى Almaty-akshamy.kz «قازگيدرومەت» رمك-عا سىلتەمە جاساپ.
اتاپ ايتقاندا، قىزىلوردا، تۇركىستان، جامبىل، الماتى وبلىستارىنىڭ باسىم بولىگىندە، اباي وبلىسىنىڭ سولتۇستىك-باتىسىندا، سولتۇستىگىندە، شىعىسىندا، اتىراۋ وبلىسىنىڭ وڭتۇستىگىندە، اقتوبە وبلىسىنىڭ وڭتۇستىگىندە، شىعىسىندا توتەنشە ءورت ءقاۋپى ساقتالادى. قوستاناي وبلىسىنىڭ وڭتۇستىگىندە، پاۆلودار وبلىسىنىڭ ورتالىعىندا جوعارى ءورت ءقاۋپى كۇتىلەدى.
تۇندە اقمولا وبلىسىنىڭ شىعىسىندا، قاراعاندى وبلىسىنىڭ سولتۇستىگى مەن شىعىسىندا، شىعىس قازاقستان وبلىسىنىڭ سولتۇستىك-شىعىسىندا، اباي وبلىسىنىڭ باتىسىندا 1-3 گرادۋس ۇسىك ساقتالادى. تۇندە ۇلىتاۋ وبلىسىنىڭ سولتۇستىگىندە، پاۆلودار وبلىسىنىڭ باسىم بولىگىندە توپىراق بەتىندە 1 گرادۋس ۇسىك جۇرەدى.
استانا قالاسىندا: كوشپەلى بۇلتتى، جاۋىن-شاشىنسىز. وڭتۇستىك-شىعىستان جەل سوعادى، كۇشى 3-8 م/س قۇرايدى. اۋا تەمپەراتۋراسى تۇندە 4-6 گرادۋس جىلى، كۇندىز 21-23 گرادۋس جىلى بولادى.
الماتى قالاسىندا: كوشپەلى بۇلتتى، جاۋىن-شاشىنسىز. جەلدىڭ جىلدامدىعى 2-7 م/س قۇرايدى. اۋا تەمپەراتۋراسى تۇندە 11-13، كۇندىز 25-27 گرادۋس جىلى بولادى.
شىمكەنت قالاسىندا: كوشپەلى بۇلتتى، جاۋىن-شاشىنسىز. سولتۇستىك-شىعىستان جەل سوعادى، كۇشى 8-13 م/س. اۋا تەمپەراتۋراسى تۇندە 13-15، كۇندىز 30-32 گرادۋس جىلى بولادى.