قىزدار مەرەكەسى قارساڭىندا پاريجدەگى ءسان اپتالىعىندا 99% اۋادان جاسالعان سومكە كوپشىلىك نازارىنا ۇسىنىلدى.
پاريجدىك Coperni ءسان برەندى NASA-مەن بىرلەسىپ Air Swipe سومكەسىن شىعارعان، دەپ حابارلايدى اlmaty-akshamy.kz.
سومكەنىڭ ەرەكشەلىگى سول، 99% اۋادان جانە 1% شىنىدان جاسالعان. ۋلترا زاماناۋي ءمولدىر ءامياننىڭ سالماعى نەبارى 33 گرامم. ولشەمى 27ح16ح6 سم. بىلايشا ايتقاندا ستاندارتتى شاممەن بىردەي. ول نانوماتەريالدان – كرەمنيي اەروگەلىنەن جاسالعان. ول 1200 گرادۋس سەلسيي تەمپەراتۋراعا، ءوزىنىڭ سالماعىنان 4 مىڭ ەسە ارتىق قىسىمعا توتەپ بەرە الادى. برەند يننوۆاسيالىق اكسەسسۋاردى كيپردەگى امەريكا ۋنيۆەرسيتەتىنىڭ سۋرەتشىسى جانە كرەمنيي اەروگەلدەرىن زەرتتەۋشى يواننيس ميحالۋديسپەن بىرگە ازىرلەگەن. ديزاينەرلەر ونى جاساۋ ءۇشىن 15 پروتوتيپ قاجەت بولعانىن ايتتى.
جالپى وسىناۋ ساندىك سومكەنىڭ باعاسىن بىلەسىز بە؟ ونەرتاپقىشتار ونى 40 000 ەۋروعا باعالاعان. ءبىزدىڭ تەڭگەگە شاققاندا 19 ميليون تەڭگە شاماسىندا.
سونىمەن وسىناۋ سومكەنى ۇستاۋعا قىرۋار قارجى جۇمساۋعا دايىنسىز با؟