ەلىمىزدىڭ باسىم بولىگىندە جاڭبىر، نايزاعاي، بۇرشاق پەن ەكپىندى جەل ساقتالۋدا. بۇگىن پاۆلودار، قاراعاندى، الماتى، باتىس قازاقستان، شىعىس قازاقستان، جامبىل وبلىستارىندا، سونداي-اق اباي جانە جەتىسۋ وڭىرلەرىندە قاتتى جاڭبىر مەن بۇرشاق جاۋادى.
«قازگيدرومەت» مالىمەتىنشە، بۇگىن ەلىمىزدىڭ بارلىق وڭىرلەرىندە داۋىلدى ەسكەرتۋ جاريالاندى. نەگىزگى سەبەپتەرى — قاتتى جاڭبىر، نايزاعاي، بۇرشاق، تۇمان، داۋىل، سونداي-اق ءورت ءقاۋپىنىڭ جوعارى بولۋى.
مەگوپوليستەردەگى اۋا تۋرالى مالىمەت:
▪️ استانادا كۇندىز +19–21 °C، تۇندە +10–12 °C، جاۋىن-شاشىنسىز. جەلدىڭ جىلدامدىعى — 5–10 م/س.
▪️ الماتىدا كۇندىز +20–22 °C، كەي جەرلەردە جاڭبىر، نايزاعاي، بۇرشاق. تۇندە +10–12 °C، جاۋىن-شاشىنسىز. جەلدىڭ جىلدامدىعى — 3–8 م/س، نايزاعاي كەزىندە ەكپىنى 15–20 م/س دەيىن جەتەدى.
▪️ شىمكەنتتە كۇندىز +27–29 °C، تۇندە +13–15 °C، جاۋىن-شاشىنسىز. جەلدىڭ جىلدامدىعى — 8–13 م/س.