قازاقستاننىڭ باسىم بولىگىندە قولايسىز اۋا رايىنا بايلانىستى ەسكەرتۋ جاريالاندى
19 مامىردا قازاقستاننىڭ باسىم بولىگىندە قولايسىز اۋا رايىنا بايلانىستى ەسكەرتۋ جاريالاندى. بارلىق دەرلىك وبلىستاردا نايزاعاي ويناپ، جەل سوعادى، ال كەيبىر وڭىردە ۇسىك ءجۇرىپ، تاعى بىرىندە، كەرىسىنشە، توتەنشە ءورت ءقاۋپى ساقتالادى دەپ بولجانادى، دەپ حابارلايدى Almaty-akshamy.kz.
سينوپتيكتەردىڭ مالىمەتىنشە، تۇندە جانە تاڭەرتەڭ اقمولا وبلىسىنىڭ باتىسىندا، وڭتۇستىگىندە نايزاعاي وينايدى دەپ بولجانادى. تۇندە وبلىستىڭ سولتۇستىگىندە، باتىسىندا، وڭتۇستىگىندە سولتۇستىك-شىعىستان، شىعىستان، كۇندىز وبلىستىڭ باسىم بولىگىندە سوققان جەلدىڭ ەكپىنى 15-20 م/س قۇرايدى. كۇندىز استانادا قاتتى جەل سوعادى، ەكپىنى 20 م/س دەيىن جەتەدى دەپ كۇتىلەدى.
تۇندە قوستاناي وبلىسىنىڭ سولتۇستىگىندە، شىعىسىندا، كۇندىز ءوڭىردىڭ وڭتۇستىك جارتىسىندا نايزاعاي ويناپ، بۇرشاق جاۋۋى ىقتيمال. وبلىستىڭ شىعىسىندا، وڭتۇستىگىندە شىعىستان 15-20 م/س جىلدامدىقپەن جەل سوعادى. وبلىستىڭ وڭتۇستىگىندە ءورت ءقاۋپى جوعارى.
الماتى وبلىسىنىڭ تاۋلى اۋداندارىندا اراكىدىك جاڭبىر جاۋادى دەپ كۇتىلەدى. تۇندە ءوڭىردىڭ شىعىسىندا، تاۋلى ايماقتارىندا، كۇندىز سولتۇستىكتە، وڭتۇستىكتە، تاۋلى ايماقتاردا نايزاعاي ويناپ، بۇرشاق جاۋۋى مۇمكىن. وبلىستىڭ وڭتۇستىگىندە، شىعىسىندا، تاۋلى اۋداندارىندا باتىستان سوققان جەلدىڭ ەكپىنى 18-23 م/س قۇرايدى.
الماتىدا كۇندىز نايزاعاي ويناپ، بۇرشاق جاۋادى دەپ كۇتىلەدى. قونايەۆتا كۇندىز نايزاعاي جارقىلداپ، جاڭبىر جاۋادى دەپ بولجانادى.
باتىس قازاقستان وبلىسىنىڭ سولتۇستىگىندە، شىعىسىندا نايزاعاي وينايدى دەپ كۇتىلەدى.
كۇندىز اقتوبە وبلىسىنىڭ باسىم بولىگىندە، تۇندە ءوڭىردىڭ سولتۇستىگىندە، شىعىسىندا، باتىسىندا نايزاعاي وينايدى. اقتوبەدە دە كۇندىز نايزاعاي بولادى دەپ كۇتىلەدى.
قاراعاندى وبلىسىنىڭ باتىسىندا، سولتۇستىگىندە، وڭتۇستىگىندە نايزاعاي وينايدى دەپ بولجانادى. وبلىستىڭ سولتۇستىگىندە شىعىستان، سولتۇستىك-شىعىستان 18 م/س جىدامدىقپەن جەل سوعادى. ءوڭىردىڭ سولتۇستىگىندە، شىعىسىندا ءورت ءقاۋپى جوعارى.
تۇندە جانە تاڭەرتەڭ اقمولا وبلىسىنىڭ باتىسىندا، وڭتۇستىگىندە نايزاعاي وينايدى دەپ بولجانادى. تۇندە وبلىستىڭ سولتۇستىگىندە، باتىسىندا، وڭتۇستىگىندە سولتۇستىك-شىعىستان، شىعىستان، كۇندىز ءوڭىردىڭ باسىم بولىگىندە سوققان جەلدىڭ ەكپىنى 15-20 م/س قۇرايدى.
كوكشەتاۋدا تاڭەرتەڭ جانە تۇستەن كەيىن سينوپتيكتەر شىعىستان سوققان جەلدىڭ ەكپىنى 15 م/س دەيىن جەتەدى، قىزىلوردا وبلىسىنىڭ سولتۇستىگىندە، وڭتۇستىگىندە، ورتالىعىندا نايزاعاي، داۋىل بولادى دەپ بولجايدى. وبلىستىڭ ورتالىعىندا وڭتۇستىك 15-20 م/س جىلدامدىقپەن جەل سوعادى. سونىمەن قاتار، قالا مەن وبلىستا توتەنشە ءورت ءقاۋپى جوعارى.
تۇندە سولتۇستىك قازاقستان وبلىسىنىڭ وڭتۇستىك-باتىسىندا نايزاعاي وينايدى دەپ بولجانادى. تۇندە وبلىستىڭ سولتۇستىگىندە، باتىسىندا، وڭتۇستىگىندە، كۇندىز وبلىستىڭ كوپ بولىگىندە سوققان جەلدىڭ ەكپىنى 15-20 م/س قۇرايدى، وبلىستىڭ وڭتۇستىگىندە، باتىسىندا سوققان جەلدىڭ ەكپىنى - 23 م/س. تۇندە وبلىستىڭ سولتۇستىگىندە توپىراق بەتى قاتىپ، سىناپ باعانى -2 گرادۋسقا دەيىن تومەندەيدى، ۇسىك جۇرەدى دەپ كۇتىلەدى.
پەتروپاۆلدا شىعىستان سوققان جەلدىڭ ەكپىنى 15-20 م/س دەيىن جەتەدى.
ۇلىتاۋ مەن جەزقازعان وبلىستارىنىڭ باسىم بولىگىندە نايزاعاي وينايدى دەپ كۇتىلەدى. وبلىستىڭ شىعىسىندا ءورت ءقاۋپى جوعارى.
تۇركىستان وبلىسىنىڭ تاۋلى ايماقتارىندا اراكىدىك جاڭبىر جاۋادى دەپ كۇتىلەدى. وبلىستىڭ سولتۇستىگىندە، وڭتۇستىگىندە، باتىسىندا، تاۋلى اۋداندارى مەن تاۋ بوكتەرىندە نايزاعاي، داۋىل بولادى، بۇرشاق جاۋادى دەپ بولجانادى. وڭتۇستىك-باتىستان سوققان جەلدىڭ نايزاعاي كەزىندەگى ەكپىنى - 15-20 م/س.
سينوپتيكتەر شىمكەنت پەن تۇركىستاندا نايزاعاي ويناپ، قاتتى جەل تۇرادى دەپ بولجايدى. وڭتۇستىك-باتىستان سوققان جەلدىڭ نايزاعاي كەزىندەگى ەكپىنى - 15-20 م/س.
تۇندە شىعىس قازاقستان وبلىسىنىڭ شىعىسىندا سىناپ باعانى -2 گرادۋسقا دەيىن تومەندەپ، ۇسىك جۇرەدى دەپ كۇتىلەدى.
كۇندىز پاۆلودار وبلىسىنىڭ باسىم بولىگىندە، تۇندە وڭتۇستىك-شىعىسىندا سولتۇستىك-شىعىستان جەل سوعادى، ەكپىنى 15-20 م/س قۇرايدى. تۇندە وبلىستىڭ سولتۇستىگىندە توپىراق بەتى قاتىپ، سىناپ باعانى -1 گرادۋسقا دەيىن تومەندەيدى، ۇسىك جۇرەدى دەپ كۇتىلەدى. وبلىس ورتالىعىندا، شىعىسىندا توتەنشە ءورت ءقاۋپى ساقتالادى. پاۆلوداردا كۇندىز سولتۇستىك-شىعىستان سوققان جەلدىڭ ەكپىنى 20 م/س جەتەدى دەپ كۇتىلەدى.
ماڭعىستاۋ وبلىسىنىڭ سولتۇستىك-شىعىسىندا نايزاعاي وينايدى دەپ بولجانادى. وبلىستىڭ باتىسىندا، سولتۇستىگىندە تۇمان بولادى. اقتاۋدا تۇندە جانە تاڭەرتەڭ تۇمان تۇسەدى.
جەتىسۋ وبلىسىنىڭ تاۋلى ايماقتارىندا، شىعىسىندا، وڭتۇستىگىندە نايزاعاي وينايدى دەپ كۇتىلەدى. وڭتۇستىك-باتىستان سوققان جەلدىڭ نايزاعاي كەزىندەگى ەكپىنى - 15-20 م/س، الاكول ماڭىنداعى جەل ەكپىنى - 25 م/س.