الماتى وبلىسىندا تۇمان كۇتىلەدى
"قازگيدرومەت" 19 جەلتوقساندا بولاتىن ءقاۋىپتى مەتەورولوگيالىق قۇبىلىستارعا بولجاۋ كونسۋلتاسياسىن جاريالادى، دەپ حابارلايدى Almaty-akshamy.kz.
اتموسفەرالىق فرونتالدى بولىمدەردىڭ وتۋىمەن ق ر باتىسىندا، سولتۇستىگىندە، سولتۇستىك-باتىسىندا جاۋىن-شاشىن (جاڭبىر، قار) بولادى. تەك ەلىمىزدىڭ وڭتۇستىگىندە، وڭتۇستىك-شىعىسىندا، شىعىسىندا، ورتالىعىندا موڭعول انتيسيكلونىنىڭ اسەرىنەن اۋا رايى جاۋىن-شاشىنسىز ساقتالادى.
ەلىمىزدىڭ باتىسىندا، سولتۇستىگىندە، سولتۇستىك-باتىسىندا جاياۋ بۇرقاسىن، كوكتايعاق، جەلدىڭ كۇشەيۋى 15-20 م/س بولادى دەپ كۇتىلۋدە.
سولتۇستىك قازاقستان، قاراعاندى، اتىراۋ، الماتى، ماڭعىستاۋ وبلىستارىندا، تۇركىستان، جامبىل وبلىستارىنىڭ تاۋلى اۋداندارىندا تۇمان بولادى.