2022 جىلدىڭ 1 قازانىندا جىلجىمايتىن مۇلىك جانە جەر ۋچاسكەلەرىنىڭ مەنشىك يەلەرىنىڭ 2021 جىلعا ەسەپتەلگەن مۇلىك سالىعىن تولەۋ مەرزىمى اياقتالادى.
سالىق زاڭناماسىنا سايكەس، الداعى سالىق سومالارى بويىنشا حابارلامالار اعىمداعى جىلدىڭ شىلدە ايىندا مەنشىك يەلەرىنە جىبەرىلگەن بولاتىن. بۇدان باسقا «كاسپيي بانك» اق ءموبيلدى قوسىمشاسىن پايدالانۋشىلارىنا PUSH-حابارلامالار تۇرىندە جىبەرىلدى، دەپ حابارلايدى Almaty-akshamy.kz ق ر قم مەملەكەتتىك كىرىستەر كوميتەتىنە سىلتەمە جاساپ.
سونىمەن بىرگە، بۇگىنگى كۇنى شامامەن 1،8 ملن مەنشىك يەسى (نەمەسە 37،5%) «2021 جىل» كەزەڭىنە 7،1 ملرد تەڭگە سوماسىنا مۇلىك سالىعىن تولەمەگەن.
وسىعان بايلانىستى، مەملەكەتتىك كىرىستەر كوميتەتى 2022 جىلدىڭ 2 قازانىنان باستاپ جەكە تۇلعالاردىڭ سالىق بەرەشەگى تۋرالى حابارلامالاردى بورىشكەرلەرگە جىبەرەتىنىن ەسكە سالادى.
1 ايلىق ەسەپتىك كورسەتكىشتەن استام بەرەشەك سومالارى بويىنشا حابارلاما تابىس ەتىلگەن سوڭ وتىز جۇمىس كۇنىنەن كەيىن بەرەشەكتى ماجبۇرلەپ ءوندىرىپ الۋ تۋرالى سالىق بۇيرىعى جىبەرىلەدى. بۇل سالىق بۇيرىعى 5 جۇمىس كۇنى وتكەننەن كەيىن جەكە سوت ورىنداۋشىلارىنا ماجبۇرلەپ ءوندىرىپ الۋ ءۇشىن بەرىلەدى.
بۇل رەتتە، جەكە سوت ورىنداۋشىلارى بەرەشەك سوماسىنان باسقا شوتتارعا تىيىم سالۋ جانە شىعۋعا شەكتەۋ قويۋدان تۋىنداعان قولايسىزدىقتار تۋرالى ايتپاعاندا، سالىق بەرەشەگى سوماسىنىڭ 25%-نا دەيىنگى مولشەردە قوسىمشا تولەمدى ءوندىرىپ الادى.
سالىقتى «e-Salyq Azamat» جانە ەكىنشى دەڭگەيدەگى بانكتەردىڭ ءموبيلدى قوسىمشالارى، «ەلەكتروندىق ۇكىمەت» پورتالى ارقىلى، ەكىنشى دەڭگەيدەگى بانكتەردىڭ بولىمشەرىندەگى نەمەسە تولەم تەرمينالدارىنداعى قولما-قول اقشا قاراجاتىمەن، سونداي-اق بانكوماتتار مەن تولەم تەرمينالدارىنداعى بانك كارتالارى ارقىلى تولەۋگە بولادى.