الماتى تۇرعىندارى ءوز اۋلالارىن قالاي جابدىقتاۋدى، ياعني، قوعامدىق كەڭىستىكتى وزگەرتۋ، سپورت الاڭىن ورناتۋ نەمەسە اسفالت توسەۋدى وزدەرى تاڭدايدى.
قالا تۇرعىندارىنىڭ شىعارماشىلىعىنا ارنالعان كەڭىستىك ايتارلىقتاي ۇلكەن. مىسالى، الماتى قالاسىنىڭ بوستاندىق اۋدانى تۇرعىندارىنىڭ 2023 جىلى 800 ميلليون تەڭگەگە 17 جوباسىن ماقۇلدادى.
«حالىق قاتىساتىن بيۋدجەت» باعدارلاماسى تۋرالى وڭىرلىك كوممۋنيكاسيالار قىزمەتىنىڭ بريفينگىندە اۋدان اكىمى سانجار الين كەڭىرەك ايتىپ بەردى، دەپ حابارلايدى Almaty-akshamy.kz.
ول اۋلا اۋماقتارىنىڭ وزگەرگەنى تۋرالى ايتتى. ايتا كەتەيىك، اۋداندا 670 اۋلا بار. بيىل 80 اۋلا اۋماعىندا كۇردەلى جوندەۋ جۇمىستارى اياقتالدى.
2023 جىلى 4 قوعامدىق كەڭىستىككە، 10 سپورت جانە بالالار الاڭىنا جوندەۋ جۇمىستارىن جۇرگىزۋ كوزدەلگەن. ولار بويىنشا قازىرگى ۋاقىتتا قۇرىلىس جۇمىستارى اياقتالىپ كەلەدى (اياقتالۋ مەرزىمى – بيىلعى قاراشا ايىنىڭ سوڭى).
12 جەراستى جانە 7 جەر ءۇستى جاياۋ جۇرگىنشىلەر وتكەلىنە اعىمداعى جوندەۋ جۇمىستارى جۇرگىزىلۋدە. (جۇمىستىڭ اياقتالۋ مەرزىمى بيىلعى 30 قاراشا).
جوسپارلانعان 55،2 كم ارىق جەلىلەرىن رەكونسترۋكسيالاۋدىڭ بۇگىنگى كۇنى 22 شاقىرىمى اياقتالدى. ارىق جەلىلەرىن رەكونسترۋكسيالاۋ بويىنشا جۇمىستار جالعاسۋدا (جۇمىستاردى اياقتاۋ مەرزىمى 2024 جىل).
اۋدان اۋماعىندا 19 كونتەينەرلىك الاڭدى كۇردەلى جوندەۋ جانە سالۋ جۇمىستارى جۇرگىزىلدى.
98 كونتەينەرلىك الاڭدى كۇردەلى جوندەۋگە جوبالىق-سمەتالىق قۇجاتتاما ازىرلەندى. قۇرىلىس – مونتاج جۇمىستارى 2024-2025 جىلدارعا جوسپارلانعان.
«2024 جىلى تۇڭعىش پرەزيدەنت ساياباعىن» «پەكين وليمپياداشىلارى-2008» سكۆەرىمەن قامتي وتىرىپ، اتاكەنت، يۋجنىي پاركتەرىن، ۇلكەن الماتى جانە ەسەنتاي وزەنىنىڭ جاعالاۋىن، قازمەمسيرك، قالالىق اكىمدىك، بايسەيىتوۆا ماڭىنداعى سۋبۇرقاقتاردى ۇردەلى جوندەۋ جوسپارلانعان»، - دەدى سانجار الين.
اباي داڭعىلى مەن گاگارين داڭعىلىنىڭ قيىلىسىندا 1 گا جەر ۋچاسكەسىن اباتتاندىرۋ جۇمىستارى باستالدى. اباتتاندىرۋ اياسىندا بالالار، فۋتبول، باسكەتبول جانە كونكي الاڭدارىن، يتتەردى سەرۋەندەتۋگە ارنالعان الاڭدى، ورىندىقتار، ۋرنالار ورناتىلاتىن دەمالىس ايماعىن سالۋ جوسپارلانۋدا، قوسىمشا سۋارۋ جۇيەسى بار جاسىل جەلەكتەر وتىرعىزىلاتىن بولادى. (جۇمىستىڭ جوسپارلانعان اياقتالۋ مەرزىمى 2024 جىلدىڭ تامىزى).
سونداي-اق، 2024 جىلى «حالىق قاتىساتىن بيۋدجەت» باعدارلاماسى بويىنشا 32 جوبانى ىسكە اسىرۋ جوسپارلانىپ وتىر، ونىڭ ىشىندە گاگارين بۋلۆارىنىڭ جوندەۋ جۇمىستارى جانە وسى داڭعىل بويىندا تۇراق ورىندارىن ورناتۋ كوزدەلگەن.