ون جەتى جاستان اسقان ەر ازاماتتار اۆتوماتتى تۇردە اسكەري ەسەپكە الىنادى.
بۇرىنعىداي تىركەۋ كۋالىگىنىڭ قاجەتى جوق، دەپ حابارلايدى Almaty-akshamy.kz 24.kz-كە سىلتەمە جاساپ. دەنساۋلىق مينيسترلىگى ارقىلى بولاشاق ساربازدىڭ دەنساۋلىعى جايلى مالىمەتتەر دە جۇيەگە ەنگىزىلەدى. جاڭاشىلدىق كەلەر جىلدىڭ ءبىرىنشى قاڭتارىنان باستاپ قولدانىسقا ەنەدى. بۇل تۋرالى سيفرلىق ۇكىمەتتى قولداۋ ورتالىعىنىڭ كوورديناتورى رۇستەم يرباتىروۆ مالىمدەدى.
ونىڭ ايتۋىنشا، جاس جىگىتتەر اسكەري كوميسسارياتتارعا بارىپ اۋرە بولمايدى. سونىمەن قاتار جاڭا اۆتوماتتىق جۇيە بيۋدجەتتىڭ 1 ميلليارد تەڭگەدەن استام قاراجاتىن ۇنەمدەيدى.
- اۆتوماتتى جۇيەدە 17 جاستان اسقان ازاماتتار تۋرالى بارلىق اقپارات بولادى. ياعني ولاردىڭ وتباسى، قاي جەردە جۇمىس ىستەيتىنى مەن مەديسينالىق كارتاسىن كورۋگە مۇمكىندىك بار. اۆتوماتتىق جۇيە، ءتىپتى اتا-اناسىنىڭ قامقورلىعىنسىز قالعاندار نەمەسە مۇگەدەكتىگى بار ۇلدار بويىنشا دا اقپاراتتى قامتىماق. اسكەري كوميسسارياتتى وتەتىن كەزدە سۇرالاتىن قۇجاتتاردىڭ تولىققاندى توپتاماسى وسى جۇيەدە بولادى، - دەدى سيفرلىق ۇكىمەتتى قولداۋ ورتالىعىنىڭ كوورديناتورى رۇستەم يباتىروۆ.