قازاقستان ايماقتارىندا 17 اقپاندا بولاتىن ءقاۋىپتى مەتەورولوگيالىق قۇبىلىستارعا بولجام جاريالاندى، دەپ حابارلايدى aqshamnews.kz
اتموسفەرالىق فرونتتاردىڭ وتۋىنە بايلانىستى ەلىمىزدىڭ باسىم بولىگىندە قار جاۋادى.
- سولتۇستىك-باتىسىندا قالىڭ قار جاۋادى، وڭتۇستىك-باتىسىندا جاۋىن-شاشىن (جاڭبىر، قار) بولادى. تەك رەسپۋبليكانىڭ سولتۇستىك-شىعىسى مەن وڭتۇستىگىندە انتيسيكلوننىڭ جوتاسىنىڭ اسەرىنەن اۋا رايى جاۋىن-شاشىنسىز بولادى. رەسپۋبليكا بويىنشا تۇمان ءتۇسىپ، كوكتايعاق بولادى. ەلىمىزدىڭ سولتۇستىگىندە، باتىسىندا بۇرقاسىن بولىپ، ەكپىندى جەل تۇرادى، - دەلىنگەن حابارلامادا.