ەلدىڭ باسىم بولىگىندە جاۋىن-شاشىندى اۋا رايى كۇتىلمەيدى
سينوپتيكتەر 16 جەلتوقسان، بەيسەنبى كۇنى، ەل اۋماعىندا اۋا رايى قانداي بولاتىنىن بولجادى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
قازاقستان تەرريتورياسىنىڭ باسىم بولىگىنە انتيسيكلون ىقپال ەتەدى، سوندىقتان جاۋىن-شاشىن جاۋمايدى.
تەك ەلىمىزدىڭ سولتۇستىگى مەن شىعىسىندا سولتۇستىك-باتىس سيكلوننىڭ اسەرىنەن قار جاۋادى، جاياۋ بۇرقاسىن كوتەرىلەدى.
ەلىمىزدىڭ كەي جەرلەردە جەل كۇشەيىپ، تۇمان تۇسەدى. اقمولا وبلىسىنىڭ سولتۇستىگىندە، شىعىسىندا جەل ەكپىنى 15-20 م/س دەيىن كۇشەيەدى.
كۇندىز سولتۇستىك قازاقستان وبلىسىنىڭ سولتۇستىگىندە، شىعىسىندا جاياۋ بۇرقاسىن، باتىسىندا جەلدىڭ كۇشى 15-20 م/س جەتەدى.
پاۆلودار وبلىسىنىڭ وڭتۇستىگىندە، باتىسىندا جاياۋ بۇرقاسىن سوعادى، جەل جىلدامدىعى - 15-20 م/س شاماسىندا.
قوستاناي وبلىسىنىڭ سولتۇستىگىندە جاياۋ بۇرقاسىن سوعىپ، سەكۋندىنا 15-20 مەتر جىلدامدىقپەن جەل تۇرادى. وڭتۇستىگىندە تۇمان تۇسەدى.
شىعىس قازاقستان وبلىسىنىڭ سولتۇستىگىندە جاياۋ بۇرقاسىن مەن تۇمان بولادى، باتىسىندا جەل جىلدامدىعى - 15-20 م/س.
باتىس قازاقستان وبلىسىنىڭ سولتۇستىگىندە، اتىراۋ وبلىسىنىڭ باتىسىندا، قىزىلوردا وبلىسىنىڭ وڭتۇستىگىندە، جامبىل وبلىسىنىڭ سولتۇستىگىندە، تاۋلى ايماقتاردا، تۇندە جانە تاڭەرتەڭ تۇركىستان، الماتى وبلىستارىنىڭ وڭتۇستىگىندە، تاۋ بوكتەرىندە تۇمان تۇسەدى.
تۇندە اتىراۋ وبلىسىنىڭ شىعىسىندا جەل ەكپىنى 15-20 م/س جەتەدى. ماڭعىستاۋ وبلىسىنىڭ باتىسىندا، ورتالىعىندا جەل 15-20 م/س دەيىن كۇشەيەدى، ورتالىعىندا شاڭدى داۋىل بولادى.