قازاقستاننىڭ باسىم بولىگى انتيسيكلوننىڭ ىقپالىندا بولادى، سوندىقتان جاۋىن-شاشىن توقتاپ، تەمپەراتۋرالىق فون تومەندەيدى.
سينوپتيكتەر 16 اقپان، سارسەنبى كۇنى، اۋا رايى قانداي بولاتىنىن ايتتى، دەپ حابارلايدى Almaty-akshamy.kz «قازگيدرومەت» رمك سىلتەمە جاساپ.
رەسپۋبليكانىڭ سولتۇستىك جانە شىعىس جارتىسى ارقىلى اتموسفەرالىق فرونتتار قار مەن جاياۋ بۇرقاسىندى ساقتاي وتىرىپ قوزعالادى. ەلدىڭ كەي جەرلەرىندە تۇمان ءتۇسىپ، جەل كۇشەيەدى، ەلدىڭ وڭتۇستىك-شىعىسىندا كوكتايعاق بولادى.
تۇندە اقمولا وبلىسىنىڭ باتىسىندا تۇمان تۇسەدى، وبلىستىڭ شىعىسىندا جەل ەكپىنى - 15-20 م/س. الماتى وبلىسىنىڭ تاۋلى اۋماقتارىندا جانە تاۋ بوكتەرىندە تۇمان، كوكتايعاق بولادى.
تۇركىستان وبلىسىنىڭ وڭتۇستىگىندە، باتىسىندا جانە تاۋلى اۋداندارىندا تۇمان كۇتىلەدى، تاۋلى اسۋلاردا جەل 15-20 م/س كۇشەيەدى.
سولتۇستىك قازاقستان وبلىسىنىڭ وڭتۇستىگىندە تۇمان، كۇندىز وبلىستىڭ سولتۇستىگىندە، وڭتۇستىك-باتىسىندا، باتىسىندا جەلدىڭ قارقىنى - 15-20 م/س . جاياۋ بۇرقاسىن سوعادى.
تۇندە پاۆلودار وبلىسىنىڭ باتىسىندا جاياۋ بۇرقاسىن كوتەرىلىپ، جەل ەكپىنى 18 م/س دەيىن كۇشەيەدى.
قاراعاندى وبلىسىنىڭ سولتۇستىگىندە، باتىسىندا جانە ورتالىعىندا تۇمان تۇسەدى. تۇندە وبلىستىڭ شىعىسىندا جاياۋ بۇرقاسىن سوعىپ، جەلدىڭ كۇشى 18 م/س جەتەدى.
شىعىس قازاقستان وبلىسىنىڭ تۇندە باسىم بولىگىندە، كۇندىز شىعىسىندا بۇرقاسىن سوعادى. وڭتۇستىك-باتىسىندا جەل 15-20 م/س دەيىن كۇشەيەدى.
جامبىل وبلىسىنىڭ تاۋلى جانە تاۋ بوكتەرىندەگى اۋداندارىندا تۇمان تۇسەدى، كوكتايعاق بولادى. جەلدىڭ ەكپىنى - 15-20 م/س.
اتىراۋ وبلىسىنىڭ سولتۇستىگىندە، باتىسىندا جانە ورتالىعىندا، ماڭعىستاۋ، قىزىلوردا وبلىستارىنىڭ سولتۇستىگىندە، اقتوبە وبلىسىنىڭ باتىسىندا، قوستاناي وبلىسىنىڭ سولتۇستىگىندە تۇمان تۇسەدى.