مامىر ايىندا جۇمىس بەرۋشىلەر ەەب-دا 95 مىڭعا جۋىق بوس جۇمىس ورنىن ورنالاستىردى
2023 جىلعى مامىردا ەلەكتروندىق ەڭبەك بيرجاسىندا 94،9 مىڭ بوس جۇمىس ورنى جانە 74،5 مىڭ تۇيىندەمە ورنالاستىرىلدى. ساۋىرمەن سالىستىرعاندا بوس ورىندار سانى 10،5% – عا (+9 مىڭ)، ال تۇيىندەمە 0،9% - عا (+628) وسكەن، دەپ حابارلايدى almaty-akshamy.kz
ەسەپتى ايدا ەەب-دا ەڭبەك رەسۋرستارىنىڭ جەتىسپەۋشىلىگى 20،4 مىڭ بىرلىكتى نەمەسە ورنالاستىرىلعان بوس لاۋازىمداردىڭ جالپى سانىنىڭ 22%-ىن قۇرادى. بۇل رەتتە وڭىرلەردىڭ گەوگرافيالىق ورنالاسۋى تۇرعىسىنان كادرلاردىڭ ءپروفيسيتى الدىڭعى ايداعىداي وڭتۇستىك وبلىستاردا، اتاپ ايتقاندا شىمكەنت قالاسىنا (تۇيىندەمە سانى بوس ورىندار سانىنان 2،4 مىڭعا نەمەسە 78% - عا اسىپ كەتكەن) جانە تۇركىستان وبلىسىنا (5،1 مىڭعا نەمەسە 76% - عا) بايقالدى.
مامىر ايىندا بوس ورىندار سانى مەن تۇيىندەمە ايىرماشىلىعىنىڭ جالپى رەسپۋبليكالىق كورسەتكىشىنە قاراعاندى وبلىسى (بوس ورىندار تۇيىندەمەدەن 5،6 مىڭ بىرلىككە اسىپ، جۇمىسقا ورنالاسۋعا قولجەتىمدى ورىنداردىڭ جالپى سانىنىڭ 65%-دى قۇرادى) جانە ۇلىتاۋ وبلىسى (بوس ورىندار تۇيىندەمەدەن 646 بىرلىككە اسىپ ءتۇستى، بۇل وڭىردەگى جالپى قاجەتتىلىكتىڭ 46% - نا سايكەس كەلەدى) بارىنشا اسەر ەتتى.
ەڭبەك نارىعىندا ەڭ سۇرانىسقا يە جانە تاپشى كادرلار اۆتوموبيل جۇرگىزۋشىلەرى (1،9 مىڭ بوس جۇمىس ورنى جانە 1،5 مىڭ تۇيىندەمە)، كۇزەتشىلەر (1،6 مىڭ بوس جۇمىس ورنى جانە 889 تۇيىندەمە) جانە تاربيەشىلەر (1،5 مىڭ بوس جۇمىس ورنى جانە 810 تۇيىندەمە) بولىپ قالا بەرەدى. ءساۋىر ايىمەن سالىستىرعاندا مەديسينا قىزمەتكەرلەرىنە (1،6 مىڭ بوس جۇمىس ورنى جانە 1 مىڭ تۇيىندەمە) جانە بايلانىس ورتالىعىنىڭ وپەراتورلارىنا (1،9 مىڭ بوس جۇمىس ورنى جانە 11 تۇيىندەمە) سۇرانىستىڭ ارتۋى بايقالادى.
جۇمىس ىزدەۋشىلەردىڭ اراسىنداعى ەڭ بەلسەندى توپ ءداستۇرلى تۇردە 16-35 جاس ارالىعىنداعى جاستار بولىپ قالا بەرەدى.
مامىر ايىندا جۇمىس بەرۋشىلەر اكت جوبالارىنىڭ مەنەدجەرلەرىنە (1،2 ملن تەڭگەدەن باستاپ) جانە جاڭا ونىمدەردى ازىرلەۋ جونىندەگى جوبا جەتەكشىلەرىنە (1 ملن تەڭگەدەن باستاپ) – ياعني بىلىكتىلىك تالاپتارى مەن قۇزىرەتتەرىنىڭ ۇقساس جيىنتىعى بار بوس لاۋازىمدار ءۇشىن ەڭ جوعارى جالاقىنى ۇسىنۋعا دايىن بولدى. ايتا كەتۋ كەرەك، ەەب-دا ۇمىتكەرلەردىڭ 5،3% - ى قاجەتتى جالاقى مولشەرىن كورسەتپەۋدى ءجون كورەدى.
جالپى مامىر ايىندا ساۋىرمەن سالىستىرعاندا ەڭبەك نارىعى ەگىس ناۋقانىنىڭ اياقتالۋىنا بايلانىستى اۋىل شارۋاشىلىعى سالاسىنىڭ ماماندارىنا سۇرانىستىڭ تومەندەۋىمەن سيپاتتالادى. بايلانىس ورتالىعىنىڭ وپەراتورلارى اراسىندا كادرلىق رەسۋرستاردىڭ جەتىسپەۋشىلىگى جۇمىس ىزدەۋشىلەردىڭ جۇمىسقا ورنالاسۋعا ارنالعان باسقا ونلاين-پلاتفورمالارعا اۋىسۋىمەن دە، COVID-19 پاندەمياسى كەزەڭىنەن بەرى بايقالعان قاشىقتاعى كاسىپ قىزمەتكەرلەرىنە سۇرانىستىڭ ارتۋىنىڭ دۇنيەجۇزىلىك ترەندىمەن دە بايلانىستى بولۋى مۇمكىن.