«قالا كۇنىن» مەرەكەلەۋ شەڭبەرىندە 16-17 قىركۇيەكتە ساعات 8:00-دەن 17:00-گە دەيىن كەڭەيتىلگەن اۋىلشارۋاشىلىعى جارمەڭكەسى وتەدى.
وعان الماتى وبلىسى مەن قونايەۆ قالاسى 9 اۋدانىنىڭ شارۋاشىلىق قوجالىقتارى قاتىسادى. جارمەڭكەدە ءونىمنىڭ شامامەن 50 اتاۋى (ەت-سۇت، جەمىس-كوكونىس، شۇجىق ءونىمى، ۇن، جارمالار، وسىمدىك جانە مال مايلارى، ت.س.س.) ۇسىنىلاتىن بولادى.
جارمەڭكەگە بارلىعى 200 توننا اۋىلشارۋاشىلىعى ءونىمى، ونىڭ ىشىندە، 30 توننا – ەت، 130 توننا – جەمىس-كوكونىس، 15 توننا – ءسۇت، 10 توننا – بالىق، 15 توننا – وزگە دە ءونىم اكەلىنەدى.
الماتىنىڭ ساتبايەۆ كوشەسى بويىمەن دوستىق داڭعىلى جانە ءۋاليحانوۆ كوشەسى اراسىنداعى ۋچاسكەدە اۋىلشارۋاشىلىق جارمەڭكەسى وتەدى. جارمەڭكە كەزىندە ساتبايەۆ كوشەنىڭ وسى ۋچاسكەسىندە كولىك قوزعالىسى جابىلادى.