مۇعالىمدەر دە قاجەتتى دايىندىقتان وتەدى ، دەپ حابارلايدى Almaty-akshamy.kz
«سامۇرىق-قازىنا» ينكليۋزيانى قولداۋ كابينەتتەرى 150 ەرەكشە بالاعا ءبىلىم الۋ مۇمكىندىگىن ۇسىنادى.
قور قولداۋىمەن 1 قىركۇيەككە قاراي استانانىڭ 5 مەكتەبىندە ينكليۋزيانى قولداۋ كابينەتتەرى اشىلادى. ءتيىستى سىنىپتار «Charity Samruk Marathon 2024» قايىرىمدىلىق مارافونىندا جينالعان قاراجاتقا جابدىقتالادى.
جوبا استانا قالاسىنىڭ بەس وقۋ ورداسىن، ياعني №22، №36، №59، №76، №97 مەكتەپتەرىن قامتىپ، 150-گە جۋىق بالاعا قاجەتتى جاعدايدى جاساۋعا مۇمكىندىك بەرەدى. ءدال وسى مەكتەپتەردە ەرەكشە قاجەتتىلىگى بار بالالاردىڭ سانى كوپ جانە قۇرال-جابدىق پەن ادىستەمەلىك جاردەمگە مۇقتاج. سىنىپتار بولسا، ءتورت بولەك بولمەدەن تۇرادى: لوگوپەد، دەفەكتولوگ، پسيحولوگ كابينەتتەرى جانە قىش شەبەرحاناسى. سونىمەن قاتار، ءار مەكتەپتە جەكە ەمدىك دەنە شىنىقتىرۋ كابينەتى بولادى. مۇعالىمدەر دە قاجەتتى دايىندىقتان وتەدى.
بۇگىن، 5 شىلدە، «Samruk-Kazyna Trust» كق باس ديرەكتورى الفيا ادييەۆا بارلىق مەكتەپتى ارالاپ، جوندەۋ جۇمىستارىنىڭ جانە باسقا دا ۇيىمداستىرۋ-ازىرلىك جۇمىستارىنىڭ بارىسىمەن ارنايى تانىستى.
«بۇل جوبانى جۇزەگە اسىرۋ قازاقستانداعى ينكليۋزيۆتى ءبىلىم بەرۋدى دامىتۋداعى ماڭىزدى قادام بولماق. جاڭا سىنىپتاردىڭ ارقاسىندا قانداي دا ءبىر ەرەكشەلىگىنە قاراماستان بارلىق بالاعا وقۋعا بىردەي جاعداي جاسالادى. وسىلايشا، قور ءبىلىم باسقارماسىمەن بىرلەسىپ، ينكليۋزيۆتى قولداۋ كابينەتتەرى ءۇشىن ينفراقۇرىلىمنىڭ جاڭا ۇلگىسىن ازىرلەدى. مىسالى، ولاردىڭ اۋماعى 60-70 شارشى مەتردەن كەم بولماۋى كەرەك. مەكتەپتەردە جوندەۋ جانە باسقا دا سىنىپتاردى اشۋعا دايىندىق جۇمىستارى باستالىپ كەتتى»، - دەپ اتاپ ءوتتى «Samruk-Kazyna Trust» جەتەكشىسى.
ەسكە سالا كەتسەك، 1 ماۋسىمدا وتكەن «Charity Samruk Marathon 2024» قايىرىمدىلىق مارافونىنا 2 مىڭنان استام ادام قاتىسىپ، 125 ميلليون تەڭگە جينالدى.