اقساي شاتقالىنداعى تابيعي ءورتتى 150-دەن استام ادام مەن تىكۇشاق ءسوندىرىپ جاتىر، دەپ حابارلايدى Aqshamnews.kz توتەنشە جاعدايلار مينيسترلىگىنىڭ باسپا ءسوز قىزمەتىنە سىلتەمە جاساپ.
«ءورت الماتى وبلىسى قاراساي اۋدانىنداعى كوكلايساي ساياجايلارى ماڭىندا تۇتانعان. قازىرگى تاڭدا ءورت اۋماعى ناقتىلانىپ جاتىر. قازا تاپقاندار مەن زارداپ شەككەندەر جوق. جاقىن ماڭداعى ساياجاي تۇرعىندارى الدىن الا ءوز ەرىكتەرىمەن ەۆاكۋاسيالانعان. ءقازىر ءورتتىڭ تۇرعىن ۇيلەر مەن وعان جاقىن اۋماقتارعا تارالۋ ءقاۋپى جويىلدى. وقيعا ورنىنا الماتى وبلىستىق تجد، الماتى قالاسىنىڭ تجد، ءتجم-نىڭ №28237 اسكەري ءبولىمى جانە مەملەكەتتىك ۇلتتىق تابيعي پارك قىزمەتكەرلەرى جۇمىلدىرىلدى. بارلىعى 150-دەن استام ادام مەن 20 تەحنيكا بىرلىگى جۇمىس ىستەۋدە»، – دەلىنگەن جەكسەنبى كۇنى تاراتىلعان حابارلامادا.
ۆەدومستۆونىڭ مالىمەتىنشە، ءورتتى ءسوندىرۋدى جەر بەدەرىنىڭ كۇردەلىلىگى مەن اۋا رايى قيىنداتىپ وتىر. سوعان قاراماستان، ءورتتى تولىقتاي جويۋ جۇمىستارى جالعاسىپ جاتىر.
«قوسىمشا رەتىندە ق ر ءتجم-نىڭ “قازاۆياقۇتقارۋ” اق-ىنا تيەسىلى سۋ شاشۋعا ارنالعان قۇرىلعىسى بار مي-8 تىكۇشاعى تارتىلدى»، – دەلىنگەن حابارلامادا.