قازاقستانداعى جۇڭگو كاسىپكەرلەرىنىڭ باس قاۋىمداستىعى سۋ تاسقىنى سالدارىن جويۋعا جانە تابيعي اپاتتان كەيىن قالپىنا كەلتىرۋ جۇمىستارىنا كومەكتەسۋ ءۇشىن قاراجات جينادى.
بۇگىنگى تاڭدا قىتايلىق كومپانيالار جالپى سوماسى شامامەن 300 ميلليون تەڭگەگە اقشالاي قاراجات ءبولدى، سونداي-اق ارنايى تەحنيكا، وتىن جانە باسقا دا قاجەتتى رەسۋرستار تۇرىندە گۋمانيتارلىق كومەك كورسەتتى، دەپ حابارلادى Kazakh inves ۇق اق.
«ماسەلەن، «PetroChina International Kazakhstan»جانە ونىڭ ەنشىلەس كاسىپورىندارى 100 ميلليون تەڭگەدەن استام قاراجات اۋداردى. «JAC» اۆتوكونسەرنى «الليۋرمەن» بىرلەسىپ 100 ميلليون تەڭگە، ال «GEO-Jade Petroleum» جۇڭگو مۇناي - گاز كورپوراسياسىنىڭ قازاقستاندىق فيليالى 70 ميلليون تەڭگە ءبولدى. قىتايلىق «سيان ايسزيۋ»استىق كومپانياسى «سولتۇستىك قازاقستان اپاتتارىنا كومەك قورىنا» 3 ميلليون تەڭگەدەن استام قارجى ءبولدى. جۇڭگو ۇلتتىق حيميالىق ينجەنەرلىك كورپوراسياسى مەن «China Tianchen» كومپانياسى سۋ تاسقىنى سالدارىن جويۋعا بىرلەسىپ قاتىسىپ، 1،7 ميلليون تەڭگە قايىرىمدىلىق جاسادى. قازاقستاندىق «JXC» كومپانياسى 1،8 ميلليون تەڭگە سوماعا موتور مايىن سىيعا تارتتى»، - دەلىنگەن حابارلامادا.
ناتيجەسىندە 15-تەن استام قىتايلىق كومپانيا زارداپ شەككەن حالىققا كومەك كورسەتۋگە قاتىستى. ءوز كەزەگىندە قاۋىمداستىق وكىلدەرى بۇل ۇيىم سۋ تاسقىنى مەن قالپىنا كەلتىرۋ جۇمىستارىنا بەلسەندى قاتىسۋ ءۇشىن قىتايلىق كومپانيالارمەن تىعىز جۇمىس ىستەيتىنىن ايتتى.